Briefwisseling van Hugo Grotius. Deel 7

2708. 1636 augustus 12. Van Willem de Groot³.

Frater optime,

Praeterita septimana ad te cum Petro⁴ simul Amstelodamo scripsi⁵, nunc domum redux iterum ea, qua soleo, via has ad te do litteras, quippe cum et tibi earum, quas ultima Julii misisti⁶, debitor sim.

Abest jam in Selandia Reigersbergius⁷ atque ideo de compromisso cum Roterodamensibus ineundo⁸ deque aliis, quae in eam rem faciunt, nihil certi pronuntiare possum, cum totum negotium illius in manu sit. Illud miror petere te Gallice versa documenta⁹, quae ad causam illam pertinent, namque ante aliquot menses ea mittere me et de iis bene receptis litteras a te accipere memini; ego Guilielmum Veldium¹⁰ interpretem adhibuisse me probe novi. De testimonio impletae secundum mandata fidei alia res est, quippe id hactenus exsculpere non potui. Dussenus¹¹ et Adrichemus¹² variant in persona, alter Berkelum¹³ verba fecisse, alter Nobelium¹⁴ testatur. Camerlingius noster¹⁵ saepe promisit se schedia sua lustraturum, ecquid inde luminis possit accidere, sed promisit tantum,

3 Hs. Den Haag, ARA. Eerste afd. coll. Hugo de Gr. Aaaw. 1911 XXIII, no. 24. Eigenh. oorspr. Antw. op no. 2691; tesamen met no. 2702 beantw. d. no. 2732.

4 Grotius' tweede zoon Pieter bevond zich om studieredenen in het vaderland.

5 No. 2702 dd. 5 augustus.

6 No. 2691.

7 Nicolaes van Reigersberch.

8 Het betreft de pogingen door Grotius en namens hem ondernomen om zijn achterstallige salaris als pensionaris van Rotterdam alsnog uitbetaald te krijgen.

9 Zie voor deze documenten - zij het niet in Franse vertaling - dl. IV, bijlagen nos. 15-18.

10 Grotius' gewezen secretaris Willem Cornelissen van Velden.

11 Eewout Jacobsz. van der Dussen; zie III, p. 11 n. 4.

12 Vermoedelijk Joost Jacobsz. van Adrichem (1574-1653).

13 Gerard Jansz. van Berckel.

14 Henrick Willemsz. Nobel; zie over hem IV, p. 468 n. 13.

15 Mr. Johan Camerlingh, sedert 1598 pensionaris van Delft.

[p. 318]

nihil vero hactenus praestitit. Quartus qui tunc Delfensum nomine aderat consul Heuvelius¹, interea summum obiit diem. Chartas, quae in sacco fuere, itemque quas deputati e domo tua abstulere, frustra quaerimus

Tu quod vides perisse perditum ducas².

De reliquis nuper scripsi, puto et scripsisse Reygersbergium; ego jam hominem, qui a te magni aliquid efflictum expectat, urgere non audeo.

De rebus nostris hoc habe, venisse huc nudius tertius Pavium³ sed hodie primum in publicum prodiisse ad colloquium cum principe⁴, quare quid novi attulerit nescimus.

Interea hodie liber commeatus in castra circa Noviomagum publice indictus est; incertum tamen est, quando princeps hinc profecturus sit, nam cohors praetoria, quae praemitti solet, hic etiamnum est.

Forestius⁵ camerae rationali in locum Riccii⁶ succedet. Legationem Venetam obibit Borelius⁷, qui cum petiisset ab Ordinibus Hollandis in summo senatu locum isque ei assignatus esset, Catsius⁸ ea occasione et sibi prospiciendum ratus eundem honorem obtinuit: ita duo Selandi in eum senatum extra ordinem allecti.

Post longas deliberationes tandem eo pervenit, ut Ordines Hollandiae aliquid statuerint de stipendiis militum. Decreverunt enim iis, qui stipendia praevertunt - sollicitatores vocari scis - de parata pecunia in mensem prospicere atque ita, quot mensibus facturos se promittunt, ex reditibus publicis per singulas civitates ad id assignandis ea lege, ut ad mensem usque Majum earum, quas hactenus erogarunt, pecuniarum solutionem non exigant, sub ejus mensis initium, chirographum debitae sortis cum promissione usurarum accepturi: Nunc tantum de accessionibus quibusdam inter Ordinum Deputatos - comitia enim nudius quartus soluta sunt - disceptatur. Vides in usum militiae expeditum satis hac hyeme fore aerarium, si haec omnia ita procedunt, verum magnum onus et sortis et usurarum sub vernum tempus reip. incubiturum.

Ego, siquid hic occurrat novi, curabo, ne nescias; tu nostri quoque curam gere.

Vale et salve, cum tua uxore et liberis⁹ a me meaque¹⁰.

Tibi obsequentissimus frater
Guilielmus Grotius.

1 Pieter Anthonisz. van den Heuvel, overleden op 5 januari 1636; hij was burgemeester van Delft geweest in 1621, 1622 en 1623.

2 Catullus VIII, 1-2: Miser Catulle, desinas ineptire,// et quod vides perisse perditum ducas.

3 Adriaen Reyniersz. Pauw; zijn verzoek om terugroeping als extra-ordinarius gezant te Parijs was eindelijk ingewilligd. Zie hieromtrent no. 2511 van Nicolaes van Reigersberch dd. 16 maart 1636 en no. 2543 dd. 7 april van dezelfde.

4 Frederik Hendrik.

5 Nanning van Foreest; zie no. 2624, p. 193 en n. 12 aldaar.

6 Ventidius Riccen; zie no. 2624, p. 193 en n. 11 aldaar.

7 Dr. Willem Boreel, baron van Vreendijk, uit Middelburg (1591-1668), op 2 augustus genomineerd; hij was sedert 1627 pensionaris van Amsterdam.

8 Raadpensionaris Jacob Cats.

9 Cornelia en Diederik waren bij hun ouders in Parijs.

10 Alida Graswinckel.

Hagae, XII Augusti 1636. Raptim.

Boven aan de brief schreef Grotius: Rec. 25 Aug.