Briefwisseling van Hugo Grotius. Deel 6

2465. 1636 februari 7. Aan Willem de Groot².

Nosti, mi frater, Friderici primi³ historiam, quem vulgo Barbarossam vocant, calcatasque a pontifice⁴ cervices adjuto Venetorum maxime armis. Ejus rei imago in palatii pontificalis aula magna diu apparuit addita scriptura rem complectente, quae et libris vulgata legitur. Alexander papa III Friderici Imperatoris iram et impetum fugiens abdidit sese Venetias et a senatu perhonorifice susceptus Ottone⁵, Imperatoris filio, navali proelio a Venetis victo captoque. Fridericus pace facta supplex adorat fidem et obedientiam pollicitus. Ita pontifici sua dignitas Venetae reipublicae beneficio restituta est. Haec fuere verba, quae postquam vetustate exoleverunt, pontifex⁶ gravatus tanti beneficii memoriam, nuper hunc in modum mutavit. Fridericus primus Imperator Alexandrum III Pontificem, quem diu insecutus fuerat, post constitutas cum eo pacis conditiones et damnatum schisma Venetiis supplex veneratur. Offensi Veneti Urbani facto, ut ipsi judicant, inurbano et res suas agentem⁷ Roma revocarunt et nuntio pontificis⁸ significarunt, nisi ipsis satisfieret, audientiam ei posthac concessum non iri. Quidam nec vetus Alexandri nec recens Urbani factum probans Fridericique memoriae aequus hoc epigramma scripsit.

Imperii scutum, Germanae gloria gentis,

Exsurge et nostras res, Friderice, vide.

Tot post saecla tuos committis mortuus hostes,

2 Gedrukt Epist., p. 859. Tesamen met no. 2485 beantw. dd. 10 maart 1636 (dl. VII).

3 Frederik I Barbarossa; zie no. 2463, p. 507 n. 2.

4 Alexander III. Zie ter zake ook no. 2466 postscriptum.

5 Otto; zie no. 2463, p. 507 n. 4. Zie ook Add. et Corr. dl. VI. aant.

6 Urbanus VIII.

7 Rosso; zie no. 2463, p. 506 n. 10.

8 Francesco Vitelli; zie no. 2463, p. 506 en n. 11 aldaar.

[p. 510]

 

Vivum in te quorum vis sociata fuit.

 

Quippe pudet Papam Venetis debere triumphum!

 

Ingentis meriti nec monumenta manent.

 

Poenitet ingrato Venetos servisse Quiriti:

 

Exemplumque, in te quod statuere, timent.

 

Nolite in fastum titulo pietatis abuti,

 

Esse jubet regum libera colla Deus.

Haec tibi et amicis.

Filium¹, libros, chartas, edulia, responsum Rotterodamensium² etiam nunc exspectamus.

Lutetiae, 7 Februarii 1636.

Videtur Iustellus³ calamum parare, ut Seldeno⁴ respondeat.

Tibi obligatissimus frater
H. Grotius.

1 Diederik, Grotius' jongste zoon, was na zijn studietijd in het vaderland op weg naar zijn ouders.

2 Het betreft de pogingen door Grotius en namens hem ondernomen om zijn achterstallige salaris als pensionaris van Rotterdam alsnog uitbetaald te krijgen.

3 Christophe Justel; zie over hem III, p. 212 n. 8.

4 Over John Selden en zijn Mare Clausum zie V no. 2126, p. 515 nn. 7, 8 en 9.