Briefwisseling van Hugo Grotius. Deel 6

2384. 1635 december 7. Aan P. Schmalz¹.

Nobilissime Domine,

Non dubito, quin aliquae ex vestris partibus ad me literae sint in itinere. Postremae enim, quas habui, erant magni cancellarii² scriptae decimo Septembris vet. calendarii³ tuaeque eodem scriptae tempore.

Ex eo quin multa ibi evenerint, non dubito: utinam felicia, quale est quod de victoria Bannerii⁴ in Saxones fama nuntiat.

Qui a S. Chaumontio⁵ huc venit, nihil ad me tulit literarum. Ego filium meum⁶ cum literis ad vos misi, non tantum ut eas quam posset perferret celerrime, sed ut et sermones et res externas disceret. Eum si amicitia tua honestes, rem feceris tua bonitate dignissimam.

De publicis negotiis crambem non recoquo⁷ gnarus patere tibi quae ad magnum cancellarium scribuntur. Praeterea tanta hic est rerum, quas audire libeat, sterilitas, ut in chartulis illis rumorum nuntiis, quales in hac urbe scis septenis diebus binas, interdum plures provenire, pro expugnationibus nobis nuntientur insessa loca, quae in tabulis vel Atlanticis frustra, puto, quaeras, ut Candia, non illa, quae olim ἑϰατόμπολις dicta, sed aliquod ad Padum latibulum; tum vero in Lotharingicis terris Charmium et Novicastellum: pro magnis autem praeliis - non utor hyperbole - decem homines caesi apud Atrebates, cum interim omnis Picardia et ager vicinus Croatorum flammis ac caedibus desoletur.

Mitterem talia, nisi res nostrae ac sociorum satis difficiles ridere nobis non permitterent. Itaque haec epistola hoc unum aget, ut noris me tui memorem vivere. Proxima, ut spero, gratulationem continebit rerum apud vos feliciter gestarum, quibus gaudebo semper, ut par est, tantoque magis, si eas certa antoritate cognovero.

Tuae Nobilitati addictissimus
H. Grotius.

1 Copie Den Haag, ARA. Eerste afd. coll. Hugo de Gr. Aanw. 1911 XXIII no. 1, p. 103. Gedrukt Epist., p. 199; Oxenst. Skrifter 2. afd. IV, p. 563. Hs. Stockholm, RA. Eigenh. oorspr. Adres als op p. 235 (no. 2284).

2 De Zweedse rijkskanselier Axel Oxenstierna.

3 No. 2282.

4 De Zweedse maarschalk Johan Gustavsson Banér; vgl. ter zake no. 2350.

5 Melchior Mitte de Miolans, markies van St. Chaumont.

6 Grotius' oudste zoon Cornelis; de brief is waarschijnlijk die van 7 november, no. 2342.

7 Vgl. Juvenalis, Sat. VII, 154: occidit miseros crambe repetita magistros.

Lutetiae, VII Decembris nov. cal. MDCXXXV.

D. Hottomanno ac Mousterio⁸ deque aliis, quorum antehac feci mentionem quid factum velit magnus cancellarius, de eo et si quid ultra hic curatum velit, cupiam tuo beneficio edoceri.

8 Resp. Jean Hotman en Daniel Dumoustier; vgl. brief no. 2265 dd. 7 september 1635 aan Axel Oxenstierna.

In dorso met andere hand: Praesent. Stralsundii die 4 Jan. 1636.