Briefwisseling van Hugo Grotius. Deel 6

2326. 1635 oktober 31. Aan L. Camerarius⁵.

Illustrissime Donine, aant.

Verumne sit, quod dicitur, nescio equidem literas, quae huc veniebant mari, ab hoste interceptas. Certe ter septeni dies ierunt, ex quo nihil inde ad nos advenit. Abs te postremas, quas habui, eae datae erant die Septembris XXIV.

Mireris quanta hic sit liberalitas. Duci Bernhardo⁶ IV milliones promittuntur annui ad alendum exercitum federatorum Germaniae - id enim nomen retinet - ad VI millia equitum, peditis duplum. In praesens CCCC^m florenorum sperat se ablaturum Bonica⁷. Magna est ducis Bernhardi fama, quod servasse exercitum Gallicum, cum se nuper a Rheno retrorsum reciperet, creditur; et re, si hostis velit, ad proelium spectante - id enim rex⁸, qui huc rediit, se velle profitetur - et ad vires et ad famam pertinebit illum ducem retineri in partibus.

Galassius⁹ apud Dieusium habere dicitur XVIII peditum, XVI equitum millia, superior Gallis haud dubie, maxime ex quo feudorum possessores sumtibus exhausti et regis secuti exemplum ab eo fine abierunt.

De Valentia habemus nihil, nisi spem bonam, quae tamen inanescet, nisi jam nunc aliquid actum est. Imminent enim humentium camporum tempora, qua

5 Copie Uppsala, UB., cod. 388a, Ep. 24, Gedrukt Epist., p. 193. Geadresseerde, Ludwig Camerarius, was Zweeds gezant in Den Haag.

6 Bernhard, hertog van Saksen-Weimar.

7 Tobias von Ponikau, raad en gezant van Bernhard van Saksen-Weimar.

8 Lodewijk XIII van Frankrijk.

9 Matthias, graaf Gallas, bevelhebber in het leger van Ferdinand II.

[p. 302]

pene est, ut exspectasse dicatur Sabaudus¹. Ita sero copias promissas adduxit fratrem² interim apud Brabantos habens et procuratorem³ apud Hispanos.

Mutinensis⁴ videtur se bello subtrahere conditionibus ab Hispano⁵ latis contentus. Parmenii⁶ minatur pontifex⁷; si sponte id facit, infidus Gallo; si coactus, non pluris faciendus quam ii, qui in aliena sunt potestate.

Plura tempus parturit, quae, ubi apparuerint, scribam optans interim res felices publico ac tuis, Illustrissime Domine, privatis rebus.

Tuae Illustrissimae Dominationi
omni observantia addictissimus
H. Grotius.

1 Vittorio Amedeo, hertog van Savoye.

2 Tommaso Francesco, prins van Carignano.

3 Allessandro Cesare, abbé de Scaglia? Vgl. no. 2319, p. 287.

4 Francesco d'Este, hertog van Modena.

5 Philips IV.

6 Odoardo Farnese, hertog van Parma.

7 Urbanus VIII.

Lutetiae, XXXI Octob. n.C. MDCXXXV.

Adres: Ludovico Camerario, Reginae Regnique Sueciae Consiliario et Legato apud praepot. Ord. Foeder. Belgii.