Briefwisseling van Hugo Grotius. Deel 6

2312. 1635 oktober 12. Aan P. Schmalz⁶.

Nobilissime Domine,

Quanto magis vos circumstrepunt arma negotiorumque aestus, tanto plus tibi debeo, quod mei memoriam nec per illa quidem tibi pateris excuti.

Rumor heic est ducem Bernhardum⁷ iam multa de pace loqui, nec miror. Fregit enim multum animos clades a Gallassio⁸ Gallis multo cum foenore reposita. Videt deinde Galliam omissis omnibus rerum transrhenarum curis suas agere, itaque se posthac pro imperii principe Galliae militem fore.

Angliae legatus⁹ hactenus se conspicuum non dedit partim supellectili parandae intentus partim haesitans, an sanguinis regii principes Celsitudinis titulo honorare debeat, qua de re, ut puto, domo mandata exspectat.

Cum Hollandis novas quotidie controversias Angli habent, volentes libera sibi esse cum Dunquercanis commercia.

Valde te rogo, ut eorum, quae Saxo¹⁰ dicturus facturusque est, certior tuo beneficio fiam et ubi certi aliquid de induciis cum Polono¹¹ apparebit. Spero maximum cancellarium¹² per se memorem fore eorum, quae ad sustentandam dignitatem mihi sunt necessaria, sed si et tu pro tua in me benevolentia accedas monitor, eo facilius me aequa omnia impetraturum confido.

Ex Constantinopoli discimus Turcam Imperatorem¹³ intermissas diu belli laudes magna aviditate venari. Credibile est, si cum Persa¹⁴ pacem ex usu ac

6 Copie Den Haag, ARA. Eerste afd. coll. Hugo de Gr. Aanw. 1911 XXIII no. 1, p. 94. Gedrukt Epist., p. 189; Oxenst. Skrifter 2. afd. IV, p. 560. Hs. Stockholm, RA. Eigenh. oorspr. Adres als op p. 235 (no. 2284).

7 Bernhard, hertog van Saksen-Weimar.

8 Matthias, graaf Gallas, keizerlijk bevelhebber.

9 John Scudamore.

10 Johann Georg, keurvorst van Saksen.

11 Op 12 september was te Stuhmsdorf een bestand van 26 jaar gesloten tussen Zweden en Wladislas VII (IV) van Polen.

12 De Zweedse rijkskanselier Axel Oxenstierna.

13 Sultan Murád (Amurath IV); zie no. 2308, p. 273 en n. 4 aldaar.

14 Sefi (Sam Mirza), sjah van Perzië van 1628 tot zijn dood in 1642.

[p. 280]

decore suo constituerit aliqua in christianum orbem irrupturum. Et quo potius quam in Poloniam, cuius patientiam aut vires, terra per Tartaros, mari per Cosaccorum latrocinia praetentat? Ea res et nobilitatis cura pro propriis commodis semper mihi spem fecit futurum, ut multa Poloni concederent fuga belli Suedici.

Pecuniarium hic negotium valde incertum est nec processurum puto, nisi vos bene bello implicitos viderint.

Ego si quid efficere possim, quo magis cognoscas te quanti faciam, erit mihi id laetissimum.

Vale.

Tuus toto animo
H. Grotius.

Lutetiae, II/XII Octobris MDCXXXV.

Post meum negotium, etiam ilia, quae ante, nunc iterum commendo, admissionalium meorum¹, Hottomanni², pictoris³ et Hepsteinii⁴, omnium res amantium nostras.

1 René Giraut en Anne, graaf van Brulon; vgl. no. 2265, p. 205.

2 Jean Hotman; zie over hem III, p. 1 n. 3. Hij stierf 26 januari 1636, doch ook na die datum blijft er in de brieven aan Schmalz sprake van geld, dat de Zweedse rijkskanselier voor zijn papieren verschuldigd is.

3 Daniel Dumoustier of Dumoutier; zie V no. 2098, p. 474 n. 4.

4 Johan Epestein.

In dorso met andere hand: Stralsundii die 9 Nov. 636 (sic).