Briefwisseling van Hugo Grotius. Deel 6

2148. 1635 juni 17. Aan L. Grubbe³.

Vir amplissime,

Postremas tuas ad me literas, quas XXIV Aprilis dederas, ego Maij XXII novi cal. accepi iisque respondi⁴.

Ex eo in aula fui haerente ad Castellum Thidrici missus ad obeunda regni amicorumque negotia. Regem⁵ ibi reliqui valentem et multis prosperis laetum. Nam cum xix Maij fecialis⁶ ab ipso missus, id quod mandatum nuper ipsi scripseram, ad Hispanum cardinalem⁷ non admissus apud populum tum in extimo limite qua voce qua scripto exsequutus esset, ad captam Marcam in Famina, Orchimontia et Rupisfortis accessere. Conantemque in ulteriora pervadere Chastilionaeum⁸ cum impedire vellet egregio cum exercitu princeps Thomas⁹ fictae oppugnationis in vallum recessusque subiti specie prolectus in bipartitas Gallorum copias incidit duabusque e regionibus impetitus facilem quidem de equitatu victoriam, de peditatu non incruentam tradidit. Ajunt sex millia cecidisse, alli ab eo numero demunt aliquot. Gallorum levi strage, ut ipsi ajunt, ad quinquaginta. Capta tormenta sedecim, signa sexaginta, virorum et quidem ex Hispania illustrium magnus numerus¹⁰.

Ex hac victoria in ipso initio parta magni in postremum successus sperantur, praesertim si, quod futurum ait cardinalis, rex edicto¹¹ Belgis affirmet se libertatis ipsis auctorem atque custodem fore. Et quo melius rex rebus externis vacet ad tuendos regni fines, siqua vis ingruat excivit vasallos valvasoresque.

3 Copie Den Haag, ARA. Eerste afd. coll. Hugo de Gr. Aanw. 1911 XXIII no. 1, p. 28; bevat enige schrijffouten. Gedrukt Epist., p. 154. Voor geadresseerde, Lars Grubbe, zie V no. 2064, p. 432 n. 12.

4 No. 2115 dd. 23 mei (dl. V).

5 Lodewijk XIII.

6 Jean d'Aubas de Gratiollet; zie V no. 2110, p. 492 n. 10.

7 Don Fernando; zie IV, p. 412 n. 11.

8 Gaspard de Coligny, graaf van Châtillon; zie V no. 2100, p. 476 n. 4.

9 Tommaso Francesco van Savoye, prins van Carignano; vgl. V no. 2122, p. 509 n. 12.

10 O.a. de gouverneur van het kasteel van Antwerpen, don Emmanuel Pimentel, graaf van Feria, an de bastaard don Carlos; vgl. no. 2133, p. 8 en n. 4 aldaar.

11 Zie no. 2135, p. 11 en n. 16 aldaar.

[p. 32]

In Lotharingia leves pugnae, Mars varius. Duabus, quae xxii et xxiii Maij pugnatae, hostium strages ad VI^c et ultra ivisse creditur; eoque firmata res ibi Gallorum et Montipellicardi laboranti consultum.

Ducis Vinariensis¹ peditatus in ripa est et insula contra Rhenhusum; equitatus excursus e Trevirorum agro Hispanos inhibet. Hungaricus equitatus retineri metu a Turca huc scribitur. Dabattelinus² Manhemium non sine praeda rediit. Haec per se exigua juncta cum caeteris spem nobis faciunt discutiendi paces illas segreges et noxias.

De maximi cancellarii³ ad vos adventu et quae ibi gerentur rebus edoceri tua comitate gaudebo. Deus illum, vir amplissime, servet florentem in rebus bonis.

Amplitudinis Tuae observantissimus
H. Grotius.

1 Bernhard, hertog van Saksen-Weimar.

2 Johann Christoph Taupadell, legeraanvoerder van Bernhard van Saksen-Weimar.

3 De Zweedse rijkskanselier Axel Oxenstierna.

Lutetiae, 17 Iunij novi cal. MDCXXXV.