Briefwisseling van Hugo Grotius. Deel 5

[p. 434]

2065. 1635 april 21. Aan L. Camerarius¹.

Illustrissime Domine,

Postquam abierat hinc ad te meis cum literis is, quo solemus uti tabellarius, advenit ad me magni cancellarii domesticus², qui Tullis ipsum reliquerat nudiustertius parantem ad regem³, ububi esset, - est autem nunc Compendii - tendere. Is domesticus equis advenit celeribus. D. cancellarius carruca iter facit; itaque Compendii futurus putatur circa Mercurii diem. Ego ad Suessionum oppidum ei occurram. Has ipsius ad te literas⁴, quae sola nunc restabat via, per Rhotomagum mitto. Ut bellicae naves Batavorum duae paratae sint Caleti, quae tutam ipsi navigationem praestent, valde desiderat. Id negotium et tua diligentia et principis Arausionensis⁵ auctoritate illico confectum iri non dubito.

Dux Lotharingus⁶, ut magni cancellarii ad me indicant literae, cum pontem Brisaccensem Montispellicardi obsidionem animo agitans transiret, habebat secum xiv. millia constantia ex equitatu peditatuque Bavari, et Caesarianis sex equitum alis, quae regimenta vocabant. Exspectabat alia quatuor peditum millia, quae in comitatu Burgundiae sunt conscripta. Et si destinata succederent, secuturus eodem putabatur Gallasius⁷. His conatibus reprimendis Lafortii⁸, qui jam contra hostem profectus est, et Castilionaei⁹ destinantur copiae, quibus cum majore imperio praeerit ipse Condaeus¹⁰. Digna res est, cujus exitum attenti speculemur.

Deus, Illustrissime Domine, te tuosque sospitet.

XXI Aprilis novi Kal. MDCXXXV.

Illustrissimae Dominationi tuae addictissimus
H. Grotius¹¹. aant.

1 Copie Uppsala UB., cod. 388^a Ep. 5. Gedrukt Epist., p. 143. Geadresseerde, Ludwig Camerarius, was Zweeds gezant in Den Haag.

2 Wellicht Wolfgang von Gemmingen, dienaar van de Zweedse rijkskanselier Axel Oxenstierna.

3 Lodewijk XIII van Frankrijk.

4 Vgl. no. 2059 postscriptum.

5 Frederik Hendrik.

6 Karel IV, hertog van Lotharingen; zie over hem no. 1950, p. 276 n. 1.

7 Matthias, graaf Gallas (1584-1647), veldheer van Ferdinand II.

8 Jacques Nompar de Caumont, hertog van La Force.

9 Gaspard de Coligny, graaf van Châtillon.

10 Henri de Bourbon, prins van Condé.

11 Voor adres en marginalia zie Addenda en Corrigenda.