Briefwisseling van Hugo Grotius. Deel 5

2066. 1635 april 21. Aan L. Camerarius¹².

Illustrissime Domine,

Perscriptis iam ad te meis litteris¹³, tuas accipio IX Aprilis novi Calendarii datas, multis nominibus gratas mihi, praecipue vero viri nobilissimi atque eruditissimi filii tui¹⁴ mentione, quem cum mihi commendas satis semet commendantem bonis omnibus, operam insumis non necessariam, at mihi suavem tamen,

12 Copie Uppsala UB., cod. 388^a Ep. 4; copie Den Haag ARA, coll. H.d. Gr. Aanw. 1911 XXIII no. 1, p. 11. Gedrukt Epist., p. 143.

13 No. 2065.

14 Joachim Camerarius; zie II, p. 505 n. 10.

[p. 435]

quando et amicitiam nostram tua sancis auctoritate et de me, quam bene existimes, certius indicium dare non poteras. Utinam quam ipsi bene velle debeo, tam praestandi aliquid, ipsum quod juvet, sit copia.

De navibus, quae virum maximum D. cancellarium¹ transvehant deducantque, gaudeo te curam gerere. Nam quas Galli de sua classe promittunt, iis vereor, ne aliquid necessariorum desit: adeo illa pars virium hic tractatur negligenter.

Fedus novum Gallos inter et Batavos² per Galliae legatos³ regi Britanniarum⁴ exhibitum iam fuit, magis ut honos ipsi haberetur quam in spem societatis. Ego ejus federis exemplum nondum vidi, sed a me impetrare non possum, ut eos credam fore eventus, quos alios video animis praesumere eoque minus, quod quaecunque nunc Galli paciscuntur federa, ea claudicare video, qua in re tuam viri tam experientis sententiam a mea non discongruere ex literis tuis cognosco.

Quas ad magnum cancellarium destinas, ut recte perveniant curam suscipio; nunc quidem de ipso, nisi quod in itinere est, comperimus nihil. Neque occurrere illi licet, quamdiu qua sit venturus via et in urbemne an ad ea loca, in quibus rex⁵ agit, incerti sumus.

Filiae nostrae⁶ translationem ad aevum melius ita ut debemus ego et uxor ferimus. Ea sunt tempora: ut qui seculi malis ac periculis eximuntur felices merito censeri debeant.

Vale, vir illustrissime.

Lutetiae, 21 Aprilis, 1635.

Tuae Illustrissimae Dominationi addictissimus
H. Grotius.

1 De Zweedse rijkskanselier Axel Oxenstierna.

2 Op 8 februari 1635 te Parijs gesloten.

3 Henri de S. Nectaire, markies de la Ferté-Nabert als extra-ordinarius gezant en de ordinarius ambassadeur in Engeland Jacques d'Angennes, markies van Poigny.

4 Karel I.

5 Lodewijk XIII van Frankrijk.

6 Grotius' dochter Maria was op 16 maart 1635 overleden.

Turca⁷ classem paratam habet, ob quam sodales Melitaei ad insulae ejus tutelam evocantur⁸. aant.

7 Amurath IV (tegen 1611-1640), vanaf 1623 tot zijn dood sultan der Ottomanen; zijn bewind was van een spreekwoordelijke wreedheid en werd - behalve door de strijd in Zevenburgen - gekenmerkt door opstanden en andere binnenlandse moeilijkheden.

8 Voor adres en marginalia zie Addenda en Corrigenda.