Briefwisseling van Hugo Grotius. Deel 5

2062. 1635 april 20. Aan L. Camerarius³.

Illustrissime Domine,

Magnum cancellarium⁴, qui Argentorati visus scribitur, sub ipsum Pascha novi calendarii, non ego tantum avide exspecto, ut praeparatis pactionibus sua autoritate finem imponat, sed et rex ipse⁵, qui hinc Compendium abiit, speculandis et propinquo magis rebus Belgicis Germanicisque et pro tempore capturus consilia, aut pacis Masarino⁶ suasore aut tam diu sperati a vicinis belli aperti aut sociorum mala sublevandi auxiliis quam antehac majoribus.

Montempellicardi ducis Lotharingi⁷ miles obsidet. It eas partes curaturus princeps Condaeus⁸ imperaturus et Castilionaeo⁹ et qui cum eo jungit copias Lafortio¹⁰. Sed mirum quam citra famam stet verus illorum militum numerus. Etiam qui sub Rohanio¹¹ in Rhaetiam it exercitus, vix mille et sexcentos habet: sed commode evenit, quod jam ante ejus illuc adventum duce Landelio Normanno¹², qui in vicinis praesidiis agebant, Galli cepere Rivam, tribus leucis a Fontani nobili castello distans Vallis Telinae contra Mediolanenses aditus munimentum.

3 Copie Uppsala UB., cod. 388^a, ep. 3. Gedrukt Epist., p. 143. Voor geadresseerde zie no. 2059, p. 427 n. 6. aant.

4 De Zweedse rijkskanselier Axel Oxenstierna.

5 Lodewijk XIII van Frankrijk.

6 Jules Mazarin - Giulio Raimondo Mazzarini - (1602-1661), de latere kardinaal en opvolger van De Richelieu; hij was in diplomatieke dienst van paus Urbanus VIII.

7 Karel IV, hertog van Lotharingen.

8 Henri de Bourbon, prins van Condé.

9 Gaspard de Coligny, graaf van Châtillon.

10 Maarschalk Jacques Nompar de Caumont, hertog van La Force (1558-1652).

11 Henri, hertog van Rohan.

12 De Landé van no. 2068? Zie p. 437 en noot 3 aldaar.

[p. 431]

Frater regius¹ videtur se in rebus omnibus, etiam in dissuendo Lotharingico matrimonio, regis arbitriis aptare.

Reformati in Languedocia conventu habito constituerunt tueri possessionem ejus quam antehac habuerunt libertatis, contra novas regiorum parlamentorum ac magistratuum ipsiusque consilii regii interpretationes, quibus res ipsorum quotidie accidebantur. Id quem sit habiturum eventum, magna ex parte pendebit ab eo, qui futurus est Galliae cum externis rerum status.

Hispanus² apud Barcinonem et Perpinianum copias colligit mediocres, in Italia ingentes, quibus primum Italorum in Gallos studia compescat, deinde per Germaniam Belgicamque arma alat. Controversia, quae ipsi cum Catalanis exorta erat, ad concordiam revocari dicitur.

De Lusitanica classe tempestatibus disjecta veremur, ut satis certus sit rumor.

Deus, illustrissime Domine, tuam illustrissimam Dominationem diu in rebus prosperis servet.

XX April MDCXXXV n. Cal. Lutetiae.

Illustrissimae Dominationi tuae addictissimus
H. Grotius.

1 Gaston Jean-Baptiste de France, hertog van Orléans; hij was in het geheim gehuwd met Margareta, zuster van de hertog van Lotharingen. Daar dit huwelijk zeer tegen de zin van de Franse koning was, oefende deze druk op zijn broer uit om dit huwelijk ongeldig te doen verklaren; vgl. Merc. Franç. XX, p. 849 vv., p. 989 vv.

2 Philips IV van Spanje.

Adres: Ludovico Camerario Reginae Regnique Sueciae Consiliario et Legato apud Praepot. Ord. Foeder. Belgii.

In margine: A^o. 1635 Script. 20 Apr. st.(n.).