Briefwisseling van Hugo Grotius. Deel 5

2028. 1635 maart 26. Van J. de Groot³.

Salve, fili, cum uxore et liberis omnibusque istic amicis, ab nobis nostrisque hic omnibus.

Participem me fecit, mi fili, frater tuus⁴ literarum quas XVI huius mensis⁵ die ad ipsum scripseras, mellis illas atque fellis repletas. Sic agi solet in rebus humanis, neque enim ignari sumus ante malorum⁶. Norit D.O.M., quo modo haec talia nobis nostram ad salutem applicet; quod cum sciam tuque ipse scias, verbum non amplius ullum: concoquam omnibus caeteris. Hoc unum nunc rogo, literas has, mortis Illustrissimi D. nostri Philippi Mauritii Hohenloici comitis⁷ indices, qui in hisce aedibus ortus, hic et supremum diem obiit, ad patruum, Georgium Fredericum comitem Hohenloicum⁸ ut deferantur cures. Namque septimana iam quinta est, ex quo supremum hic diem obiit.

Interim aliquoties scripsimus, quid nobis de funeralibus et de domesticis, qui hic haerent, dimittendis agendum sit, neque responsum ullum accepimus. Tum vero transactio Nassaviana pendet⁹, unde illi ut victores me rationibus accepti ex baronatu Lysveldien si reddendis, secundum sententiam a suprema curia latam, arresto persona mea urgent unde sumptus, ut nosti, maximi perferendi sunt.

D.O.M. vobis nobisque omnibus sit propitius ac clemens.

Raptim Delphis patriis, 26 Martii 1635 st. novo.

Tibi benevolentissimus pater
Jan de Groot.

3 Hs. Den Haag, ARA., Eerste afd., coll. Hugo de Gr. Aanw. 23.1911, no. XXIII. Eigenh. oorspr.

4 Willem de Groot.

5 No. 2014.

6 Vergilius, Aen. I 198.

7 Philipp Moritz (1614-1635); zie no. 1808, p. 88 en n. 9 aldaar.

8 Georg Friedrich, graaf van Hohenlohe (1569-1645); door zijn dienstbaarheid aan Gustaaf II Adolf van Zweden had hij zich de onverzoenlijke ongenade van keizer Ferdinand II op de hals gehaald en verbleef hij buitenslands, meestal te Worms of te Straatsburg.

9 Zie voor deze kwestie no. 1947, p. 271 n. 7 aldaar; zie ook no. 1961, p. 291.

Adres: A Monsieur Mons^r Grotius Ambassadeur à Paris.

In dorso schreef Grotius: 26 martii 1635 J. de Groot.