Briefwisseling van Hugo Grotius. Deel 5

[p. 281]

1953. 1634 september 19. Aan G.J. Vossius¹.

Venit ad me hodie Lomelius² cum literis tuis³ gratissimis, ut semper, nisi qua parte pro minore quam virtutibus tuis debetur amicitiae nostrae testimonio gratias agunt nimium liberaliter. Tu qui ista dicis, quid mihi tot tuis obstricto meritis dicendum relinquis? Nimirum silentium mihi injungis, quo res maximas colimus.

Lomelius ille et tua commendatione et Grotenhusii⁴ Pelsiique⁵ propinquitate et suis paternisque⁶ virtutibus erit mihi semper in amicorum non vulgarium classe.

Blavius⁷ si, quam in Sophompaneam⁸ admisit culpam, filii mei⁹ institutione resarcit, plus mihi accedet quam perierat. De eodem filio gaudio mihi est intelligere quae nuntias ea fide, quam saepe expertus sum: alios omnes blandiri facile adducerer, ut crederem, de te nihil nisi verum exspecto, nisi forte amor te in meos decipit.

Iuris aliquid delibare illum non nolo. Caeterum maxime cupio ab eo τὰ σφαιϱιϰὰ, πλοιϰὰ, ἐμποϱιϰὰ non disci sed perdisci. De moribus ejus certiorem fidem habere non possum quam quod te tuosque libentius quam alios accedit.

Grammatica tua¹⁰ recognoscere aveo. Skyttio patri¹¹ multum debeo, filios¹² et amo et partim colloquio, partim operibus¹³ notos plurimi facio. Sed operi a me non lecto testimonium praebere qui possum? Οὐ πϱέπει. De rege¹⁴ ipsius hoc nuper feci epigramma ponendum quo loco ille admirabili fortitudine Rhenum transiit.

Sarmatiae domitor geminae Gustavus ad Alpes

Codano vincens venit ab usque sinu.

Vistula quem dominum cognorat et Albus et Ister,

Transtulit heic illum supplice Rhenus aqua.

Magni cancellarii¹⁵ in me humanitatem satis praedicare non possum.

Vale, vir optime atque amicissime, cum uxore¹⁶ et liberis. Nostri omnes vos salutant.

9/19 Septembris 1634.

Has literas dixit Paulus Pelsius, qui mihi pro jure amicitiae saepissime et nunc

1 Gedrukt Epist., p. 126. Antw. op no. 1949.

2 David de l'Hommel J^r.; zie no. 1949, p. 273 en n. 2 aldaar.

3 No. 1949.

4 Jan ten Grootenhuys; zie no. 1949, p. 273 en n. 6 aldaar.

5 Paulus Pels; zie no. 1949, p. 273 en n. 7 aldaar.

6 David de l'Hommel S^r.; zie no. 1949, p. 273 en n. 4 aldaar.

7 Willem Jansz. Blaeu; vgl. no. 1922.

8 Hvgonis Grotii tragoedia Sophompaneas; zie no. 1946, p. 270 n. 2.

9 Pieter; vgl. no. 1922.

10 Gerardi Ioannis Vossii de arte grammatica libri septem. Amsterdami, Apud Guilielmum Blaeu 1635.

11 Johan Skytte; zie no. 1923, p. 242 n. 1.

12 Johan, Bengt en Jacob, die alle drie leerlingen van Vossius zijn geweest: Jacob heeft Grotius in Hamburg ontmoet; vgl. p. 233.

13 Behalve een oratio in excessum Gustavi Magni van Bengt Skytte, waarvan in Jacobs brief van 16 juli 1634 (no. 1937) sprake is, zijn mij geen werken van de zoons bekend.

14 Gustaaf II Adolf.

15 Axel Oxenstierna.

16 Elisabeth Junius.

[p. 282]

quoque adest, missurum se ad filium suum¹, ut is hanc occasionem te salutandi tibique innotescendi habeat.

Tibi addictissimus
H. Grotius.

1 Andries Pels (1591-1666), koopman te Amsterdam op de Keizersgracht ‘in de gekroonde Spelt’. aant.