Briefwisseling van Hugo Grotius. Deel 5

1931. 1634 juni 26. Aan J. de Cordes².

Epistolam meam, vir optime, quam mense Octobri scripseram³, et recte ad te pervenisse et tibi sine taedio, cum longa plus satis esset, lectam ex literis tuis Aprili mense ad me datis⁴, sed quas fine demum Iunii ab uxore Hamburgo huc Francofurtum missas accepi, laetus intelligo.

Ego sicut diligentiam tuam in disquirendis ecclesiae ritibus magni facio, ita plerosque illos ritus, de quibus agitur, non per omnes Ecclesias ab intio pari modo receptos videre satis mihi videor.

Hic extra mercatus tempora non credas, quanta sit librorum praesertim variorum inopia. Sed cum ante mercatum me arbitrer non abiturum, vult enim regni Suecici cancellarius⁵ opera mea ad res non leves uti; id tempus ubi venerit, labori non parcam, ut videre possim Dubia Euangelica Spanhemii⁶, nam Usserii librum⁷ jam vidi.

Clementis ad Corinthios Epistolas⁸ nunc demum accepi. Volo eas legere saepius et aliorum quorundam lectionem adjungere; quo rectius judicem tandemque V.A.D. Bignonio⁹, cui pridem de hac re debitor sum, aliquid respondeam.

Vale, vir praestantissime, cum Thuanis¹⁰, Puteanis¹¹ amicisque aliis.

Francofurti, 26 Iunii, 1634.

2 Gedrukt Epist., p. 123; Ep. ad Gallos, p. 343. Antw. op no. 1925.

3 No. 1884.

4 No. 1925.

5 Axel Oxenstierna.

6 Zie no. 1925, p. 246 en n. 2 aldaar.

7 Zie no. 1742, p. 22 en n. 4 aldaar; zie ook no. 1925.

8 Bedoeld is de in 1633 verschenen uitgave van de brief van Clemens Romanus aan de inwoners van Corinthe door Patrick Young; zie no. 1844, p. 132 en n. 3 aldaar. Young heeft ook een uitgave van Clemens' beide brieven met vertaling in het latijn voorbereid; deze uitgave verscheen eerst in 1687 en vervolgens weer in 1694.

9 Jérôme Bignon; zie no. 1867, p. 167 n. 16.

10 Zie betreffende de gebroeders De Thou IV, p. 2 n. 8.

11 Pierre en Jacques Dupuy.