Briefwisseling van Hugo Grotius. Deel 4

[p. 283]

1553. 1630 oktober 25. Aan Willem de Groot¹.

Injuriam nobis fecit, mi frater, Caesius², quod opus a tam multis exspectatum tam diu trahit, majorem, quod rei ad nos pertinentis tam diu nos ignaros esse patitur. Rogo urgeas, ut sciamus, quo in statu res sit et an non aliunde clancularium aliquod accesserit impedimentum.

Miror quo res illa Rotterodamensis³ evasura sit. Illud displicet, quod magistratus videntur senatui diffidere, in cujus auctoritate summa rei vertitur. Nam eo tandem veniendum erit.

De Iosepho⁴ rogo memineris et de Phaenissis nostris⁵ et siquid habes πεϱὶ τοῦ διφυοῦς.

Groninganis unde tantum sapientiae? An Amstelodamenses operam adhibuerunt, ut recte se illi haberent? Utinam idem nunc in Zelandia fiat, Trajecti et Transissalam. Nam de Geldris et Frisiis videntur res comploratae.

Aula huc redit. Rex ipse putatur circa Aurelianensem agrum substiturus. Fertur Stella ab Helvetiis. Pax facta videtur, sed conditiones premuntur adhuc, parum, ut creditur, Gallis honorificae. Praeterea prudentia opus est, ut sine seditione solvatur exercitus.

Falcoburgica⁶ nondum advenit.

Et nunc quidem nihil habens amplius commendabo tibi officium salutationis ad tuam⁷ et parentes, simulque has ad Medium⁸ literas.

25 Octobris 1630.

Tui amantissimus frater
H. Grotius.

1 Gedrukt Epist., p. 834.

2 De Amsterdamse uitgever Willem Jansz. Blaeu; vgl. n^o. 1545 aanhef.

3 Vgl. n^o. 1535, p. 252 en n. 2 aldaar.

4 Cunaeus' commentaar op Flavius Josephus; vgl. n^o. 1545, p. 270 en n. 10 aldaar.

5 Evripidis tragoedia Phoenissae, Emendata ex manuscriptis, & Latina facta ab Hvgone Grotio. Amstelodami Ex Officina Michaëlis Colini, MDCXXXI; zie Ter Meulen-Diermanse, n^o. 497 en remarque.

6 Josine de Bie, de vrouw van Jan de Hertoge van O(r)smael, heer van Valkenburg;vgl. n^o. 1527, p. 242 n. 4.

7 Alida Graswinckel.

8 Schuilnaam voor Johannes Wtenbogaert; vgl. III, p. 117 n. 9.