Briefwisseling van Hugo Grotius. Deel 4

1493. 1630 april 19. Van C. Salmasius⁷.

Miror, ἐξοχώτατε Groti, nihil me tuarum vidisse tanto tempore nec te quicquam meis reposuisse, quas pridem scripsi⁸. Avebam inter alia scire, quid sentires de editione Notarum nostrarum in Florum⁹; utrum dandae essent Germanis typographis, an Batavis vestris. Utrique sane urgebant; et Germani quidem auctore Berneggero¹⁰, a quo iam hic annus vertitur nullas accepi nec scire potui, an exemplar Plinianarum Exercitationum¹¹ receperit, quas ad eum miseram. Dedi eas Dano illi, quem nosti, qui in comitatu erat legati regis Daniae¹². Gratum igitur feceris, imo gratissimum, si per te cognovero, si forte quid ex Berneggero per litteras audisti, tam de illo exemplari, quod ei propriatim dicaram, quam de altero, quod etiam miseram Lingelshemio¹³ eadem via eodemque Dano procurante. Quid rerum etiam geras, ut valeas, non aliunde melius quam ex te noverim nec amantiorem tui quemquam poteris facere omnium certiorem, quae ad te pertinent, quam ego sum.

Quod ad me attinet, strenue Arabicari pergo tantumque iam in ea lingua profeci, quantum possit, qui nullo alio praeter se adiutore ac magistro utitur. Adhuc sum in Plinianis Exercitationibus et herbaria re, praecipue quam tractant

7 Gedrukt Salm. ep. I, p. 34. Beantw. d. n^o. 1495; Ep. ad Gallos, p. 438.

8 N^o. 1443.

9 Zie betreffende deze editie n^o. 1443, p. 123 n. 2.

10 Matthias Bernegger, hoogleraar te Straatsburg.

11 Plinianae exercitationes in Caji Julii Solini Polyhistora. Item Caji Julii Solini Polyhistor ex veteribus libris emendatus. Parijs 1629.

12 Robertus Robertinus (1600-1648); hij trad te Parijs als secretaris in dienst van de Deense gezant Hans Zobel, over wie III, p. 100 n. 1.

13 Georg Michael Lingelsheim.

[p. 186]

Arabes, illustranda¹. Ad id propositum dum perlustro herbariorum recentium scripta, incidi forte in zoophyti imaginem plane illi similem, quam ante annum mihi ostendisti, quale in Batavia vestra quasi ex nova productione tum primum nasci coeptum vulgo credi affirmabas. Pena² et Lobelius³ tale omnino zoophytum vidisse asserunt Londini ex putridis lignis vetustae naviculae ad ripam Tamesis enatum, cuius instar apud eos non sine voluptate conspexi, quod etiam exhibet Dalecampius⁴ in Herbario suo libr. XII. cap. 41. pag. 285, tomi secundi. Vide quaeso et miraberis. Quinimo ex ipsis illis conchulis, quae in summo extant, prodire eiusmodi aviculas confirmant, quae bernacae vocantur apud vetustos Hiberniae scriptores et similes sunt parvis anseribus; bernaclas vulgo audio vocari.

Hoc te scire volui.

Vale, vir praestantissime, et nos, quod facis, ama.

Divione XIII. Kal. Mai. MDCXXX.

1 Het werk schijnt niet verschenen te zijn; men zie Feu M.l' Abbé Papillon, Bibliothèque des auteurs de Bourgogne. Tome second. A Dyon MDCCXLV, p. 256 vv.

2 Petrus Pena, een medicus, die omstreeks 1570 leefde.

3 Matthias Lobelius - De L'Obel - (1538-1616), Vlaams medicus en botanicus; hij is lijfarts van prins Willem van Oranje geweest van 1581 tot 14 juli 1584, de dag waarop de prins vermoord werd.

4 Jacobus Dalecampius - Jacques Dalechamp - (1513-1587 of 1588), Frans medicus en botanicus, schrijver van Historia generalis Plantarum, in libros XVIII per certas classes artificiose digesta. Lyon, apud Guilielmum Rovillium 1587.