Briefwisseling van Hugo Grotius. Deel 3

1255. 1628 mei 6. Aan Willem de Groot⁸.

Quo tempore tuae, mi frater, scriptae 17 Aprilis mihi redditae sunt, nihil erat quod rescriberem. Ac ne nunc quidem est nisi quod legatorum nostrorum⁹ negotia et consilia de pace cum Britannis tarde procedunt. Atque interim dicuntur Ordines Britanniae Rupellam quasi liberam civitatem in suam recepisse tutelam et creditur jam classis in mari esse, adversus quam rex et Galli magnis animis se parant; terra quidem exercitum habentes octodecim ferme millium, in portu autem praeter submersas aliam vim navium partim connexarum, partim huc illuc discurrentium; nec desunt cuncta, quae incendendis aut retinendis hostium navibus vetus aut nostra aetas reperit. Exitus in dubio est, sed qualiscunque futurus est, video evitari non posse, quin incalescant odia et difficilior reddatur pacis ratio. His propriis rebus involuta Gallia duci Mantuano¹⁰, quem imperator¹¹,

8 Gedrukt Epist., p. 806.

9 Zie n^o. 1213, p. 222 n. 6.

10 Carlo Gonzaga.

11 Ferdinand II.

[p. 295]

Hispanus et Sabaudus latrocinio magis quam bello impetunt - nullus est enim probabilis adversus eum praetextus - nihil praestare majus potest, quam ut ei liceat hic suo sumptu militem scribere, quod gnaviter facit oppigneratis aut venundatis, quae hic tenet.

Lamairius¹ hic ut sperare nos jusserat, non comparet. Rogo igitur videas, ecqua alia sit ratio huc mittendi Vossiana², nam ego fidem meam viro magno obstrinxi. De Phaenissis³, de Institutionibus⁴ non repetam.

Quid remonstrantes impetraturi sint suis supplicationibus avebo resciscere. Debyaei⁵ familiam rogo meo et uxoris nomine salutes et omnia ipsis officia deferas. Parentibus, consanguineis, affinibus salutem. 6 Maji 1628.

Tui amantissimus frater
H. Grotius.

1 De Leidse uitgever J. le Maire.

2 In de brieven aan Willem van deze tijd is herhaaldelijk sprake van boeken van Vossius en de kosten ervan.

3 Zie n^o. 1241, p. 268 n. 3.

4 Zie n^o. 1222, p. 239 n. 1.

5 Joris de Bie was begin april overleden.