Briefwisseling van Hugo Grotius. Deel 3

1226. 1628 februari 19. Aan Jan de Groot¹.

Valere vos omnes, parens optime, quantum par est gaudeo Deumque oro id bonum ut diuturnum sit. De Amstelodamensi successu² est quod non nobis, sed patriae et urbi isti gratulemur. Utinam Noviomagi saltem aliqui veterem dignitatem recuperassent. Nam illud, quod de Vitellio³ narras, sane exiguum est.

Realio⁴ opto meliora. Captum audiveram. Sed nihil gravius metuebam, quia nondum inter imperatorem et nostros bellum exarsit. Itaque Pragam abductum vix credo. Siquid certius compereris nunties velim.

De Cornelio nostro fac ex Vossii consilio, quod optimum videbitur. Summa ratio habenda erit eorum, apud quos habitabit, ne quibus malis exemplis aut colloquiis imbuatur tener animus.

Rex Blesae est: inde veniet si non in urbem, tamen in adsita. Vosbergius⁵ Bononiae Morinorum haeret. Rupellae portus navibus demersis ita non tam clausus quam sparsus est, ut facilem exitum et aditum neget. Spes est obsessis in auxiliis e Britannia, nam caetera intus arcta. Per regis absentiam terra marique imperat Riceliacus⁶. Pinibus Galliae Lotharingicis haerent imperatoris copiae, minantes bellum, moventes nondum. Dicitur conscribere militem et Sabaudus⁷, metum Genevae, distenta praesertim civili bello Gallia. Rohanii uxor⁸ Venetiis nunc commorans edicto senatus Tolosani citata est, ut se judicio sistat. Mirum hoc in femina, nisi jam alia praecessissent non minus nova, de quibus scripsi antehac. Dani legati⁹ et Venetus urgent negotium pacis cum Britanno, sed magnus est obex Rupellanum negotium. Uxor et liberi mecum te et matrem¹⁰, fratrem, sororem¹¹, conjuges¹² et liberos salutant.

19 Februarii 1628.

1 Gedrukt Epist., p. 804.

2 Zie n^o. 1220.

3 Keizer Ferdinand II.

4 Laurens Reael; zie n^o. 1192, p. 191 n. 3.

5 Caspar van Vosbergen, die met Fr. van Aerssen als buitengewoon gezant naar Frankrijk was gegaan; zie n^o. 1213, p. 222 en n. 6 aldaar.

6 Kardinaal de Richelieu.

7 Carl'Emanuele.

8 Marguérite de Béthune; zie n^o. 1071, p. 46 n. 3.

9 Zie n^o. 1215, p. 227 n. 7.

10 Aeltgen van Overschie.

11 Adriana de Groot.

12 Alida Graswinckel, de vrouw van Willem de Groot, en Adriana's echtgenoot Frederik van Losecaat.

[p. 244]

Miramur non venire neque esculenta neque libellos, quorum nomine debitor sum omnibus. Pecuniolae nostrae curam fratri commendo et simul litem meam¹.

Tuus tibi obedientissimus filius
H. Grotius.

1 Zie n^o. 1211, p. 220 n. 3.