Briefwisseling van Hugo Grotius. Deel 3

1093. 1626 [augustus] 17. Aan Willem de Groot⁸.

Ad literas tuas, mi frater, quas satis amplas 20 Iulli ad me dedisti, recepi autem eas demum nudiustertius, quod reponam sane non habeo, nisi vota pro patria ac parentibus. Nam hic quidem post nuptias fratris regii⁹ cum Mompenseria frigent omnia, non tamen et studia nostra, ex quibus si quid tibi nuntiari pateris scies, quandoquidem posteriores nostrae ad Lucanum¹⁰ notae totae tuae sunt, coniecturam, quam ibi posuimus, ubi pro ‘Tarcon motus’ rescribendum diximus ‘Tarcondimotus’, praeter testimonia ibi allata firmari loco Ciceronis Epistola 1, libri XV¹¹.

Si iam advenit ad vos Eliae Oldenbarneveldii filius¹² - certe tempus praestitutum Brabanticae mansioni iam effluxit - receperis sex libros nostros pro

8 Gedrukt Epist., p. 792.

9 Gaston, hertog van Orléans en broeder van Lodewijk XIII, huwde 6 augustus 1626 met Marie de Bourbon, prinses van Montpensier.

10 Zie n^o. 1087, p. 60 n. 9.

11 Cicero, Ep. ad Fam. XV 1, 2: ‘ ... mihi litterae redditae sunt a Tarcondimoto, qui fidelissimus socius trans Taurum amicissimusque p.R. existimatur’ etc.

12 Zie n^o. 1088.

[p. 66]

Religione Christiana factos Latinos¹, de quibus quid factum velim ex literis antehac scriptis² intellexeris. Libro primo in argumentis pro providentia bis posui ‘canem’. Sed quia is jactus infelix est, velim poni ‘Venerium’ et pro ‘in alea’ rectius erit ‘in talis’. Id enim εἰ τι σϰότεϱον.

Fert idem Oldebarneveldius quatuor exemplaria compacta Excerptorum³. Zevendrius, qui et Zeilius dicitur, Trajectinus mercator hic habitans, tria alia itidem compacta misit ad institorem suum⁴ Rotterodamum, qui ad te ferenda curet. Horum haec est distributio: tibi et patri singula, tria fratribus Reigersbergiis⁵, unum Hoofdio, unum Vossio.

Melissaeo⁶ agendae sunt grates, sed vereor, ne supra ingenium etiam senio frigeat. Ignorat quid possit.

De nostra hic mansione video consilii tui causas. Sed nemo inexpertus credat, quid sit suo sumtu Lutetiae vivere, quod nos iam per 18 menses facimus. Ego velim explorari, ubi commode fieri potest, ecquid in Ansiaticis partibus⁷ spes nobis esse possit.

Vale, mi frater, cum optimis parentibus, sorore⁸, tua coniuge⁹ et amicis. 17 Iulii 1626.

Tuus totus tuo merito
H. Grotius.

1 Zie n^o. 1088, p. 61 n. 17.

2 N^o. 1088.

3 Zie n^o. 1061, p. 30 n. 7.

4 Wellicht Hillebrant Pieters, dezelfde als genoemd in II, p. 157 n. 3.

5 Johan, Nicolaes en David.

6 Joris de Bie.

7 Hij denkt blijkbaar aan vestiging in een der Hanzesteden.

8 Adriana; zie n^o. 1080, p. 55 n. 10.

9 Alida Graswinckel.