Briefwisseling van Hugo Grotius. Deel 3

1089. 1626 juli 21. Aan Willem de Groot⁵.

Non possum, mi frater, unquam tibi te dignas gratias agere, cum video tanto a te studio omnia mea curari. Exemplaria incompacta Excerptorum⁶ haud dubie jam exceperis. Misi et compacta quatuor, sed ea nondum habebis. Nam Eliae Oldenbarneveldii filius⁷, qui ea perferenda suscepit, haerebit per aliquot septimanas Bruxellae. Per eundem misi sex libros pro Veritate Christiana, latina oratione soluta versos⁸. Rogo simul atque acceperis explores sententiam Vossii, an sine offensa ibi edi possit et, si potest, an Mairius⁹ curam velit suscipere elegantis editionis; alioqui quamprimum remitti scriptum ad me velim. Est enim aliqua spes hic edi posse superatis aliquomodo de quibus scripseram difficultatibus¹⁰. Phoenissas¹¹ nisi ibi valde expetantur edere poterit Buonus cum nova editione Stobaei¹².

Deo gratias ago pro restituta valetudine optimis parentibus eundemque veneror, ut sorori¹³ quoque sit propitius. Tuas 29 scriptas¹⁴ recte accepi, unde disco bonorum tardos aut paene nullos esse conatus, zelotas nihil non agere, ut res suas promoveant. Capiuntur quotidie aliqui sive ex crimine conspirationis' sive ex suspicione et aemulatione. Causae enim subticentur et aguntur omnia post siparium. Ego quid de rebus meis constituere debeam valde sum incertus.

Vale, mi frater, cum nostris omnibus.

21 Iulii 1626.

Tuus germanissimus frater
H. Grotius.

5 Gedrukt Epist., p. 792.

6 Zie n^o. 1061, p. 30 n. 7.

7 Zie n^o. 1088, p. 61 n. 10.

8 Zie n^o. 1088, p. 61 n. 17.

9 Zie n^o. 1071, p. 45 n. 5.

10 Zie n^o. 1088.

11 Zie boven n. 3.

12 Vgl. n^o. 1087, p. 61 n. 3.

13 Adriana; zie n^o. 1080, p. 55 n. 10.

14 Waarschijnlijk 29 juni; de brief is echter verloren gegaan.