Briefwisseling van Hugo Grotius. Deel 2

1020. 1625 Oct. 10. Aan Willem de Groot².

De libris nostris³, Frater optime, gratias tibi pro diligentia debeo. Quod ais nostri laboris aliquem esse in foro usum, aut valde fallit, aut fuerit hoc in aliqua de alluvionibus controversia. Ea enim pars satis accurate a nobis tractata est⁴. Mylio gratulor melioris fortunae auspicia, cuius filium⁵ quibuscumque possum officii generibus amplecti non desino. De duritia adversus Hogerbetii liberos et pastores miror. De Dano quoque et Dunquercanis quae nuntias spei aliquid bonae praebent. Urget me saepe Lomeniacus⁶, unus eorum qui rem summam tractant, ut sibi exempla aliqua tradam federum cum Indis Regibus aut populis initorum⁷. Rogo ut Pleonandrum⁸ ea de re convenias, ut si quid nostris nullo modo noxium esse potest, transmittatur. Idem de testamento et codicillis Principis⁷ saepe me compellat. Lucani exemplaria aliquot exspectabimus. Rogo literae inclusae D. Falcoburgicae⁹ illico ut venerit reddantur.

2 Gedrukt Epistolae p. 786.

3 De exemplaren van De iure belli ac pacis, die Grotius aan Willem gestuurd had, zie n^o. 1008.

4 De iure belli ac pacis II c. 8 § 11 vv.

5 Zie p. 456 n. 6.

6 Zie p. 335 n. 2.

7 Deze vragen ook in n^o. 1007 en 1026.

8 Meerman; zie p. 272 n. 8.

7 Deze vragen ook in n^o. 1007 en 1026.

9 Zie p. 261 n. 1.

[p. 482]

Trans Alpes obsidetur adhuc Verrua et nova eo mittuntur e Gallia copiae. Quid Rex pro Marino¹ adversus Genuenses decreverit hic vides. Erit hoc inter exempla. Rupellanis videtur imminere obsidium. Imperator ad Episcopum Metensem², Regis fratrem naturalem, scripsit, ut veniat aut mittat ad se homagii faciendi causa, et ut appellationes Spiram ire patiatur: alioqui minatur bannum. Haec initia videntur belli inter Caesarem et Regem. Laudatur hic Espessius³ quod tam fortiter se adversius Rupellanorum Legatos gesserit. Urienses in Helvetia Catholicae religionis auxilia Regi submiserant. Pontificius Nuntius excommunicatione adhibita eos a proposito coëgit desistere. Ac plane videtur Pontifex in posterum ϕιλιππίσειν⁴. Quo omnia haec evasura sint, scit Deus, cui Christianismi pacem commendo. Eidem te ac puerperam cum partu⁵ etiam uxoris meae nomine. Salutamus et parentes et amicos. 10 Octobris 1625.

Liber de Iure belli et pacis compactus qui apud te est Iohanni Reigersbergio debetur; is enim nullam accepit. Scire velim qui nunc sint in Ordinibus Federatis et an qui Iudicum inter ipsos.

Tuus tui amantissimus Frater
H. Grotius.

1 De Fransche resident te Turijn, Marini, Genuees van geboorte; zie ook p. 486 n. 7.

2 Henri de Bourbon Verneuil.

3 Charles d'Espesse.

4 Spaanschgezind zijn.

5 5 September was het eerste kind uit het huwelijk van Willem en Alida Graswinckel, Johan, geboren.