Briefwisseling van Hugo Grotius. Deel 2

675. 1621 Aug. 12. Van F. Sweertius³.

Clarissimo v. Hugoni Grotio Franciscus Sweertius S.D.

Verrast mihi familiaris tradidit Silvam⁴ Puteano inscriptam, quam non sine admiratione legi et relegi, aliisque tui amantibus legendam tradidi, tandem Lovanium misi ad E. Puteanum, qui ita ad me:

‘In Grotiana hac Silva, mi Sweerti, videntur omnia esse. Quae doctrinae varietas et copia! quae sermonis gratia et maiestas! Ut omnia etiam dicam μουσάων ὅδε μῦϑος. Qui ignorant hunc virum, hinc noscant, ut fateantur, quod nomen indicat, vere magnum esse, Solem inter tot sidera Poëtarum. Scripsit autem ad me epistolam nuper⁵, quam tu pariter admireris. Quod si exemplar cupis, mittam, etc. Ex (animo) deploro hic nulla extare Silvae exemplaria’.

Hic apud nos nihil praeter Arma virumque cano⁶. Don Lodoicus de Velasco⁷ satis notus heri Bruxellam reliquit et profectus ad castra Thenensia non procul a Lovanio; Marchio Spinola hodie, ut fama est, sequetur. Da pacem Domine in diebus nostris, et conserva Grotium in multos annos. Est iam apud nos D. Episcopius. Vale doctissime Groti, et nos ama, qui te aeternum. Antverpiae. CIƆ.IƆCXXI. XII Augusti.

3 Hs. U.B. Amsterdam, cod. R 33. Beantwoord door n^o. 683. Schrijver was koopman te Antwerpen, die veel aan humanistische studiën deed.

4 Zie p. 101 n. 7.

5 N^o. 637.

6 Begin van de Aeneis van Virgilius. Sweertius bedoelt: Hier hoort men van niets dan van krijgstoerustingen.

7 De luitenant-generaal van Spinola.

Adres: Clarissimo doctissimoque Viro D. Hugoni Grotio, amico opt. max. Parisios.

In dorso schreef Grotius: Fr. Sweertius 12 Aug. 1621.