Briefwisseling van Hugo Grotius. Deel 2

612. 1621 Jan. 10. Aan Willem de Groot³,

Frater Charissime.

Ad patrem iam scripseram cum tuas accepi, multis nominibus mihi gratissimas. D. Vossii iudicium merito facio maximi. Quare aveo intelligere quid ille de genealogia⁴ sentiat, ut rationibus eius expensis, si praeponderant, discedam ab ea interpretatione quae mihi hactenus valde allubescit. Sed et de iis quae ad passionem⁵, aliisque velim minutatim iudicium eius intelligere, ut quae opus immutem; quam ad rem tempus nobis concedi gaudeo. Velim, ut monui nuper, scire ad quam ferme mensuram futurae sint aliorum notationes⁶, ne aut plus dicam quam locus patitur, aut parum sensa mea⁷ muniam si sum concisior.

3 Gedrukt Epistolae p. 762.

4 Zie p. 38 n. 5.

5 Zie p. 38 n. 4.

6 Zie p. 39 n. 5.

7 Zie n^o. 609, n^o. 610 en n^o. 611.

[p. 41]

Quae ad Senecam et fragmenta iam tradideris spero: addes pauca haec¹ quae postquam illa miseram in mentem inciderunt. Utinam aliquid a nobis in hac multarum rerum inopia provenire queat amicorum nostrorum auribus non indignum.

De bonorum nostrorum controversia² quae egistis valde probo. Verum est quod dixisti, non addictam a me in perpetuum operam Rotterodamensi civitati: imo recepisse me ut libera esset discessio, modo ne extra patriam. Sciunt id multi qui nunc etiam in Senatu sunt Rotterodamensi: et si opus erit accedet publici instrumenti fides. Nunc satis erit id affirmato poni. Si iudices in eo putant esse τὸ ϰρινόμενον interloquantur. Omnino monendi sunt Rectores urbis Delphensis ut se nobis adiungant, imo non possunt id omittere sine summo suorum municipum damno, quando ex actis apparet a fisci patrono non ius meum civitatis duntaxat, sed ipsius privilegii³ vim atque latitudinem in controversiam trahi: nihil autem ea de re contra nos iudicari poterit, quod non communem municipum causam gravissimo praeiudicio iugulet. Facite ergo ut Delphenses videant ea quae a Fisci parte dictata sunt, ut intelligant integrum sibi non esse silentium. Iurisconsultis qui pro re nostra suam ostenderunt sollicitudinem gratias ago maximas, utinam referre possim.

Isagoge⁴ nostra iam describitur. Scribat ad nos frater Reigersbergius ubi venerit. Ego in vertendis Graecorum Poëtarum sententiis⁵ naviter pergo, Ciceronis et Senecae exemplo. Hymnos⁶ exspectabimus: sed scire velim an pastores viderint ante datam vulgandi veniam. Ubi Bezam Praesidi⁷ reddes de Phaenissis⁸ cogita, ne Thebani nostri in spongiam incumbant ut Augusti Aiax⁹ olim. Deus O.M. tuis studiis faveat, atque omnia tibi amicisque aliis salutaria large suppeditet. 10 Ianuarii 1621.

Patri pro literis quas scripsit 7 Ianuarii quasque cum tuis accepi, gratias ago. Pergite nos rerum quae ad nos pertinent facere certiores. Idem faciat Frater Reigersbergius.

Tuus totus Frater
H. Grotius.

1 Ook deze observationes ontbreken; zie p. 39 n. 9.

2 Zie p. 23 n. 1.

3 Het privilegie van Albrecht van Beieren van 6 Juli 1394, bij Brandt, Leven I p. 222.

4 Zie p. 26 n. 6.

5 Zie p. 15 n. 4.

6 Zie p. 39 n. 8. Het ‘consent der E. Heeren Burgher-meesteren der Stadt Delff’ is van 4 Jan. 1621.

7 De praeses is vermoedelijk Nicolaas Cromhout, president van het Hof van Holland, van wien Grotius blijkbaar een exemplaar van Beza geleend had.

8 Een exemplaar van Euripides' Phoenissae.

9 Suetonius, Aug. 85; Macrobius II, 4.