Archives ou correspondance inédite de la maison d'Orange-Nassau (première série). Tome VIII 1581-1584

† Lettre MXCVI.
Foncq au Cardinal. Conjuration de Salcède (MS. B. GR. XXXII. p. 217).

*_** ‘On disoit que Salsède (ayant feint de se donner au service du Duc d'Anjou avec un régiment qu'il avoit levé à ses propres dépens) avait comploté de se saisir de quelques places pour les livrer au Duc de Parme et formé un attentat sur les personnes du Duc d'Anjou et du Prince d'Orange’. Mézerai, V. 249. - Le Duc de Guise devoit saisir cette occasion pour rallumer la guerre civile. - Foncq désire et prévoit les hostilités de la Ligue et les efforts de Philippe II pour la soutenir contre les fils de la Florentine (Cathérine de Médicis).

... Je me conforme entierement à vostre advis, en ce que dictes que les Françoys, par l'envoy du Prince Daulfin⁽¹⁾ etaultres leurs téméraires déportements, ne font que par trop ouvertement rompre la paix, n'estant à doubter que la souffrance et flegme de ce bon Roy, ne sont cause de leur hardiesse, m'asseurant que le Duc de Guise, Ne-

(1) Prince Daulfin: Duc de Montpensier, depuis la mort de Louis son père: il avoit amené au Duc d'Anjou, avec le Maréchal de Biron, un renfort de 7000 hommes de pied et de 1200 chevaux: Mézerai, V. 255.

[p. 134]

⁺mours, et aultres accuséz par l'extorquée confession de Salcedo, sçauront fort bien défendre et soustenir leur cause, consideré mesme que leur nombre est grand, et que malaysément l'on se pourra attacher à l'ung sans toucher les aultres, en quoy ce meschant Aldegondus⁽¹⁾ a bien monstré de n'estre si fin, come l'on tient, veu que, pour faciliter la ruyne d'icelluy de Guize, il se debvoit avoir attaché à luy seul, et ainsi, par ordre et avecq aultres semblables occasions, procuré le mesme aux aultres. Pouvant estre que de ceste fausse accusation, soubçons et diffidences qu'en suyvront, résultera finablement quelque bien pour nous, ne souhaittant sinon qu'eussions par delà certains instruments plus propres que nostre Ambassadeur⁽²⁾ pour y souffler et inciter les uns contre les aultres; qu'aventure seroit qu'on pourroit une fois veoir quelque nombre des Catholiques se haulser contre le Roy et la mauvaise race de cette Florentine, si mécognoissant¹ et oultrecuydante que semble estre venu au monde pour troubler l'univers; car lors seroit-il temps pour prendre leur protection et ne reposer point jusques à ce qu'on y auroit installé quelque nouveau Huge Capet qui fust mieulx aymé du peuple que ne sont pas les Italiens ou ceulx de Bourbon... De Lisbonne, ce 24 Sept. 1582.

+ 1582. Septembre.

(1) Aldegondus. Marnix avoit déchiffré les pièces par lesquelles la conspiration avoit été découverte.

(2) Ambassadeur. Juan Baptista Tassis.

1 ingrate.