Archives ou correspondance inédite de la maison d'Orange-Nassau (première série). Tome VIII 1581-1584
(1847)–G. Groen van Prinsterer–
Auteursrechtvrij
[pagina 127]
| |
Ga naar margenoot+scrire de Paris, par lesquelles j'ay entendu vostre bonne disposition, qui est la nouvelle plus aggréable que je sçauroys recepvoir en ce monde, et d'aultant que j'enten aussy par icelles qu'il vous plait avoir ma petitte fille, je la feray tenir preste avec ceulx qui la conduiront jusques au lieu où ils auront cest honneur de la mettre entre vos mains et de Madame; et la feray partir, s'il plait à Dieu, de ceste ville le quatorzieme de ce mois, pour estre à Calais quatre jours après, moyennant que le vent soit à propos. J'espère, suivant ce qu'il vous a pleu me mander, qu'elle trouvera quelque coche ou litière pour la porter. Quant à mes autres filles, d'aultant que je n'en ay encores pris aulcune résolution, il vous plaira prendre de bonne part si, pour ce voiage, je n'envoye que l'une. Il n'est besoing, Monseigneur, de m'asseurer du bon traictement; car, ayant cest honneur d'estre vostre fille, je ne doubte qu'il vous plaira commander qu'on ayt le soing tel qu'il appartient. J'espère avoir ce bien de veoir de brief Mr le PrinceGa naar voetnoot(1), auquel je desire faire bien humble service, comme il vous plaira, Monseigneur, de estre asseuré; car vous estant très-humble serviteur, je ne fauldray de m'employer comme je doy à celluy qui a l'honneur de vous appartenir de si près et auquel aussi j'ay voué mon service...... Anvers, 5 sept. Guillaume de Nassau. |
|