Archives ou correspondance inédite de la maison d'Orange-Nassau (première série). Tome VIII 1581-1584

† Lettre MLV.
Le Cardinal de Granvelle à la Duchesse de Parme. Dispositions du Roi d'Espagne (MS. B. GR. XXXII).

...Ces irrésolutions et dilations nous ruynent, mais je ne vois ordre et n'y espère remède, pour ce que le maistre veult tout faire⁽¹⁾ et il y a tant d'affaires que l'ung empesche l'autre, et bien souvent, par ce moyen, rien ne se faict du tout...

(1) tout faire. Granvelle se plaint souvent de cette activité excessive et minutieuse. Il écrit à Fonck, le 7 juillet 1582: ‘Plut à Dieu que nostre maistre escripvit moins et qu'il se fit mieulx servir, chastiant ceulx qui luy feroient faulte et le tromperoient, et rémunérant ceulx qui le serviroient bien. Il auroit moings de poyne, et seroit mieulx servi, et se porteroient sans comparaison trop mieulx les affaires...’ († MS. Gr. xxxii. p. 124). Le 28 juillet. ‘...Le Roy se tue en minutes qui pourroient se dépescher sans luy, qui l'empeschent d'entendre ce que plus importe...’ († MS. B. Gr. xxxii. p. 150.) ‘Le 18 août: ‘Il n'y a au monde de sécretaire qui manie autant de papiers que le Roi’ († MS. B. Gr.).

[p. 56]

⁺...Je me suis tousjours conformé à la prudente opinion de v. Alt., que nous ne tenons envers les François le chemin que conviendroit, ny tel que l'eust prins feu sa M_té impériale de glorieuse mémoire, si elle fut en vie: nous leur avons par trop comporté, et cela les a faict tant plus insolents, que nous a causé du mal beaucop, et donné grandz empeschements en noz affaires. V. Alt. sçait combien il y a que je suis de vostre opinion, mais bien luy diray-je, que sa Ma^té ne se arreste tant maintenant à leur beaul-dire, qu'elle ne face ses apprestes à tous coustelz, comme il convient, que je vouldrois fut encoires avec plus d'effect et d'exécution....

....Il n'y a pas faulte de prétendant à l'estat des finances, et aussi pour le Conseil d'Estat, mais, à la vérité, tous les prétendans ne sont pas propres à ce, et il importe, comme v. Alt. touche fort bien, de plustost pourveoir aux charges que aux personnes⁽¹⁾, en quoy j'apperçoisil y a en ceste Court bien souvent mescompte, et si j'estois près de v. Alt., je luy diroie la cause de tant de mauvaises élections. Quand je sçay ce que passe, et que l'on me demande advis, je n'obmetz de faire ce que je doibs, et d'en dire franchement mon opinion, et après je laisse succéder ce qu'il plait au maistre, me remectant, après avoir faict mon debvoir, à sa volunté... Madrid, 20 janvier 1582.

+ 1582. Janvier.

(1) personnes. Le 18 févr. Granvelle écrit à la Duchesse: ‘C'est chose honteuse et insupportable ce que font ces Seigneurs de pardeça, que poursuyvent les charges et ne sçavent après partir pour les aller desservir, et ne perd peu de réputation S.M. à le comporter: mais le monde est tel icy, où il y auroit beaucop à remédier, mais je despère du remède, voyant quel y est le monde, et de cecy vouldroys-je parler plustost à v. Alt. que en escripre’ (MS. B. Gr. xxxii).