Archives ou correspondance inédite de la maison d'Orange-Nassau (première série). Tome VIII 1581-1584

[p. 54]

[1582]

† Lettre MLIV.
⁺Le Cardinal de Granvelle à M. Fonck. Sur les commencements des troubles dans les Pays-Bas (MS. B. GR. XXXII).

...Au regard des nouveaulx Eveschez, pour mon advis, il les fault soubstenyr et rejecter la faulse opinion que le Prince d'Orange et aultres héréticques ont persuadé au peuple de l'inquisition d'Espaigne; elles ne se feirent de mon advis, car l'on se cachoit de moy, jugeant que j'aymerois mieulx estre l'ung de quatre que de dix sept; mais m'ayant dict sa Ma^té son intention, après les bulles despechées que Sonnius rapporta, je y aydé pour obéyr; et si lorz il estoit requiz pour la Religion, beaucop plus maintenant, estant dechuste et plus corrompue, et, à fin que tant de prélats [prissent] l'auctorité de l'Eglise contre Oranges et aultres telz royteletz, qui veullent tyranniser l'Eglise, la moyenne noblesse, et les villes. Et le Pape⁽¹⁾ m'a dict souvent que n'eust faict les dits Eveschez, pour non donner occasion de plaincte à Rains¹, Cologne, Trefve, Liège, Cambray, Utrech, et aultres, mais que, estant faict, ny il ne desferoit ce qu'est faict, ny il ne feroit dadventaige; je ne sçay s'il changera d'opinion....

....Et est ce que vous dictes, que les Pays-d'Embas sont esté fort bien polliciez² par les Princes de la maison de Bourgogne prédécesseurs, et Madame a observé l'ancien ordre d'iceulx, tout le temps que je fus par delà. Je ne sçay ce que depuis feit le saige Armenteros, je dis saige,

+ 1582. Janvier.

(1) Pape. Grégoire XIII.

1 Rheims.

2 gouvernés.

[p. 55]

⁺pour ce qu'il retorna en Italie chargé d'argent; mais Vergas et Roda, soubz l'auctorité de ceulx qu'ont gouverné despuis, et aultres qui les ont suyvy, ont confondu le tout, pour non avoir sçeu comprendre le dit bon ordre et bon gouvernement, que ne s'apprent pas en deux jours, par estrangiers ignorantz les langues et ne congnoissant les personnes ny les humeurs des pays, ny ce que leur convient; et vouloient introduyre ce qu'ilz sçavoient, et non pas ce quil convenoit, que nous ont mis les affaires en la confusion que l'on les void.... Madrid, 19 janv. 1582.

+ 1582. Janvier.