Archives ou correspondance inédite de la maison d'Orange-Nassau (première série). Tome VIII 1581-1584

Lettre MXXXIX.
Le S^r de St. Goard au Roi de France. Mécontentement du Roi d'Espagne (MS. P. ST.-G. 228 (795) n^o 53).

....Le Cardinal me fist entandre comme Tassis donnoit ausi conte que par plusieurs fois il avoit faict instanse avecques v.M. qu'elle promist que Mons^r le Duc ne passast plus avant en son entreprise de Flandre; qu'i n'estoit assisté que de ses mesmes subgetz et enquore de ses prinspauls ministres, et de seulx qui avoest¹ estés plus fermes à défandre son estat et authorité durant tous les troubles de son roiaulme; et mesme à sete² heure, il estoit à Chasteau-Terry avecques ses forces, sans qu'il y fust nulle oposition à ses desins³, ains que la carière estoit libre et sure à qui le vouloit alé⁴ trouvé, se qui luy faisoit voir

1 avoient.

2 cette.

3 desseins.

4 aller.

[p. 11]

⁺clèremant que tout ce qu'elle avoit dict v. Ma^té sur les affaires de Flandre et tous les édicts qu'elle avoit faict que nul de ses subgetz n'alasent en Flandre pour quelque oquasion que se fust, estoit tout disimulasion, soufrant se pandant et asistant ledit S^r Duc de tout ce qu'il vouloit, pour qu'il alast avand dans sa dite entreprise; et me fesand là dessus le Cardinal infinis discours, pour me fère entandre les oquasions que l'on leur donneroit, si l'on ne vivoit aultremant avecques le Roy Catholicque, et lesquels seroest superflus et trop longs à redire, il conclut que le Roy son maistre avoit voulu me fère entandre tout se que desus, pour que je l'escripse à v. Ma^té et luy réprésentase bien particulièrement les conséquanses que toutes ses causes atiroest après elles, si n'y estoit bien à bon esiant¹ remédié et donnast là desus le Cardinal fin à son propos.... Madrid, 28 août.

+ 1581. Août.

1 escient.