Oude zinnen. Grammaticale analyse van het Nederlands tussen 1200-1700

[p. 127]

III. Vertaalopdracht

Hieronder volgen uit het abele spel Esmoreit de proloog en de eerste clause van Robbrecht, de schurk van het verhaal.

Het was een coninc hier te voren,
In Sesilien was hi gheseten,
- Verstaet, soe moghdi wonder weten -
Ende ghecreech een kint bi sijn wijf.
Maer bi hem hielt hi enen keitijf,
Sijns broeder sone, hiet Robrecht,
Die dat conincrike na recht
Alte male soude hebben verworven,
Hadde [die] coninc sonder oer ghestorven.
Maer nu wert daer een knecht geboren;
Dies Robbrecht hadde groten toren
Ende int herte groten nijt.
Nu seldi hier sien in corter tijt
Wat dat den jonghelinc gesciet,
Ende hoe dat hem Robrecht bracht in swer verdriet
Ende enen Sarrasijn heft vercocht;
Ende in groten elende brocht
[...] oec die moeder diene droech,
Dat si daer na noit en loech
In twintich jaren, daer si lach
Ende noit sonne noch mane en sach.
Dat beriet haer Robrecht al.
Nu swijt ende merct hoet begennen sal.
Ay mi, ay mi der leider gheboert
Die hier nu es comen voert
Van Esmoreit, den neve mijn.
Ic waende wel coninc hebben ghesijn,
Als mijn oem hadde ghelaten dlijf.
Nu heeft hi al bi sijn wijf
Een kint gecreghen, die oude viliaert.
O Sesilien, edel bogaert,
Edel foreest, edel rijc,
Ic moet bliven ewelijc,
Edel foreest, van di bastaert.
Dies mijn herte alsoe beswaert.
Dat mi in bringhen sal de doot.
Maer biden Here die mi gheboet,
Ic sal daer omme pinen nacht ende dach,
Hoe ic dat wecht verderven mach:
Ic saelt versmoren oft verdrincken;
Daer salic nacht ende dach om dincken.
Al soudic daer omme liden pijn,
Ic sal noch selve de coninc sijn
Van Sesilien, den hoghen lande.

[p. 128]

45

Ic sal oec pinen om haer scande,

 

Der coninghinnen, mijns oems wijf,

 

Dat hi nemmermeer sijn lijf

 

Met haer en sal delen, die wigant.

 

Al dus soe sal mi bliven dlant,

50

Machic vol bringhen dese dinc. (ESM 8-57)