Verspreide sermoenen
(1948)–Johannes Brugman–
Regelnummers proza verbergen
| |
[pagina 23]
| |
3 [Drie dingen hoeren tot eenre devoter maget]1Drie dingen hoeren tot eenre devoter maget. 2Dat ierste is, si sal alleen hoer ogen slaen op hoer lief 3ende aensien hem hangende aen den cruce. 4Dat ander is, si sal hoer ledich ende ydel halden van alreGa naar voetnoot4 5sorgen der werelt. 6Dat derde is, si sal hebben een rustich, vredesam herte.
7Van drie dingen beclaeget sich onse Here over die geeste- 8like menschen. 9Dat ierste is, dat si traech ende lauwe sijn nae te volgen 10dat leven hoere voer-vaders.Ga naar voetnoot10 11Dat anders is, dat si die gehoersamheit achter-laten.Ga naar voetnoot11 12Dat derde is, si haten die-gene die hem die waerheit seg- 13gen.
14Dat ierste teyken der kinder der gracien is waerechtich 15gelove. 16Dat ander is die mynne Gods. 17Dat derde is gehoersamheit. 18Dat vierde, vredesamheit. 19Dat vijfde, barmherticheit. 20Dat sesde, dat si Gode dienen mit enen vrien wille.Ga naar voetnoot20
21Dat ierste loen der uutvercorenre kinder is, dat si sitten 22sulen tot eenre tafelen. 23Dat ander, dat si sullen slaepen in eenre kameren op een 24beddeken. 25Dat derde is, dat si Cristus erfgenamen sijn. 26Dat vierde, si sullen al een teiken hebben. | |
[pagina 24]
| |
27Dat vijfde, si sullen al eten van eenre spijsen, ende van 28enen dranc droncken werden in der ewicheit.
(gent, Universiteitsbibliotheek, hs. 1301, fol. 146v-147r) |
|