Der leken spieghel

Leerdicht van den jare 1330

Welc is beter, so goet ende quaet doen, so quaet noch goet doen? - XXVII.

Welc is beter datmen doet,

So somwile quaet somwile goet,
So datmen blive in énen staet
Ende en doe goet noch quaet?
Want die noit en misdede yet,
Hine heeft te betren niet.
Hier op so willic u

[p. 225]

tekstkritische noten

Cortelike antwoorden nu:

Die mensche is ghemaect om dat hi

Wel sal doen ende winnen daer bi
Van Gode den eweliken danc.
Nu is die menscheit so cranc
Ende so gheneighet ten zonden,
Datsi valt te menighen stonden;
Maer so wanneer men opstaet,
Vergheeft God die misdaet,
Ende so sijn ten selven tide
Dyngle daer of alle blide.
Adaem ende David, dat ghijt wet,
⁺Magdalena ende Pieter met
Vielen in zonden herde zwaer;
Maer doe sijs rouwe hadden naer,
Vergaft hem God mildelike,
Ende sijn santen in hemelrike.
Maer die quaet en doen noch goet,
⁺Leven alse die beeste doet,
Ende noch argher haer leven es;
Want wiste die beeste, sijts ghewes,
Welc goet of quaet waer ghedaen,
Sine zoude gheen quaet anevaen.

Wi sullen al dat wi moghen

Altoos om weldoen poghen

Vs. 8. I. Cort; H. Cortelec. 11. I. den ontbr. 12. I. mensche. 13. H. gheneight; I. H. toten. 14. I. vallen te menegher. 15. I. so ontbr. 17. I. Ende ontbr. - sijn dan tyen s. 18. I. Alle die inghele d. af bl.; H. af herde bl. 19. I. ende ontbr. - wedt. 21. I. herde ontbr.; H. sware. 22. I. doen zij r. h. daer na; H. doesi r. h. daer nare. 23. I. Vergaf; H. hen. 24. I. sinen santen dies gelijken; H. sante. 25. I. H. doet. 26. H. Levet; I. H. als. 27. H. a. sijn l. 28. H. sijds. 29. I. off; H. oft q. ware. 30. H. Si en; I. souden; I. H. anegaen.

+ (I. Fol. CL. v. 1.)

+ (E. Fol. CX. v. 1.)

[p. 226]

tekstkritische noten

Ende Gode loven, zonder wanc.
Ende alse wi mids der menscheit cranc
In sonden ghevallen sijn,
So sullen wi mit herten fijn
Opstaen ende betren dat:
So vergheeft ons God sinen hat.
Vallen ende opstaen dats menschelijc,
Goet noch quaet doen dats veelijc;
Altoos quaet doen dats duvelheit,
Altoos wel doen dats ynghelheit.

Na dien dan dattie menschelicheit

Te vallen is also ghereit,
So laet ons dan tallen stonden
Te meer hoeden voor die zonden
Ende te eer in boeten staen
Van dat wi hier hebben misdaen,
Met hope ende met ghelove goet.
God die sal dan sinen ootmoet
Tons waert keren, so dat wi
Behouden sullen sijn daer bi;
Want God niement en begheeft
Die goeden hope in hem heeft.

Vs. 34. I. H. als. 37. H. Opstaen dan e.; I. beteren. 38. I. sine; H. sijn. 39. I. is m. 40. I. es beestelijc. 41. I. doen ontbr.; I. H. es. 42. I. Ende altoes; I. H. is. 43. I. dan ontbr. - dat die; H. dien dat dan die menschlijcheit. 44. H. vallene; I. vallenne es soe. 46. I. m. ons h. van sonden; H. vore. 47. I. H. Ende oec teer. 48. I. wij Gode h.; H. hier ontbr. 50. I. die ontbr. 52. I. Beh. bliven d. 53. H. niemene. 54. I. goede. - Onder vs. 54 staat in I.: Hier eynd den derden bouc. Voorts is de volgende kolom wit gelaten, en begint op Fol. CLI. r. 1. de Tafle van het vierde boek, die in H. onmiddelijk onder vs. 54 volgt.

Titel. I. (Cap. 29) Welc b. es, soe g. so q.; H. Welc b. es, soe. Vs. 1. I. Welc b. es wat een doet. 2. I. q. zo s.; H. q. ende s. 3. H. blijft. 4. I. doet. 6. H. Hi en h.; I. H. beterne. 7. I. wil ic.