Der leken spieghel
(1844-1848)–Jan van Boendale–
AuteursrechtvrijLeerdicht van den jare 1330
[pagina 143]
| |
[pagina 144]
| |
5[regelnummer]
Die ghesien hebben ende ghehoert,
Die weten wat toe behoert
Ga naar margenoot+Enen landshere van rechte;
Ende scuwen scalke knechte,
Die van nieute sijn op ghetreken,
10[regelnummer]
Die met twee tonghen spreken
Ende den here volghen al sire daet,
Weder si goet si ofte quaet,
Ende hoers selfs bate mere
Minnen dan hoers heren ere.
15[regelnummer]
Dat van goeden tronke es,
Sijt des seker ende ghewes
Dat het ter doeght ieer tiet
Dan datter af en quam niet.
Nochtan valt selcstont contrare,
20[regelnummer]
Maer men werd dicst gheware
Dat elc te sinen aerde keert,
Als ons Aristotiles leert.
Al es een here landshere,
Hine heeft der wijsheit nimmere,
25[regelnummer]
No coenheit no heren leven,
Dan hem nature heeft ghegheven,
Ende hi en es maer een man;
Daer bi sal hi hem nemen an
Vrome liede ende wise,
30[regelnummer]
Die van heren avise
Ghehoert hebben ende ghesien,
Ende hem wijslec met dien
| |
[pagina 145]
| |
Bewaren, vroech ende spade,
Ende werken met horen rade.
35[regelnummer]
Landshere ende elc hoeghe man,
Die heren voere niene can,
Es als ene tortise die
Licht no claerheit en gaf nie.
Die eens heren raet sal sijn,
40[regelnummer]
Viere poente scone ende fijn
Horen hem van rechte toe:
Nu hoert, ic sal u segghen hoe.
Ga naar margenoot+Dierste, alsoe ic scouwe,
Dats gherecht sijn ende ghetrouwe;
45[regelnummer]
Want hi bewaren sal sinen here
Ane lijf, ane goet ende ane ere,
Ende recht ende redene oec anesien
Van allen dinghen die ghescien;
Want die rechtre es van onrechte,
50[regelnummer]
Sal onrecht scuwen met rechte
Ende recht altoes doen voert gaen,
Alsic u hier vore dede verstaen.
Dander poent es wijshede,
Daermen den here ende dlant mede
55[regelnummer]
Berechten sal, vroech ende spade;
Want sonder cracht van wisen rade
En machmen dlant berechten niet:
Soe meslijc eest dat ghesciet.
Ende altoes salmen zonderlinghe
60[regelnummer]
Wel bewaren twee dinghe:
| |
[pagina 146]
| |
Dierste es datmen bestimme alsoe
Sheren renten dat hi ghedoe
Eerlijc na sinen staet,
Dat hi en darf, hoe dat gaet,
65[regelnummer]
Sine hant van eneghen treken
Ane sire liede goet steken,
Waer bi dat hi valle om dat
In Gods ende des menschen hat.
Dander es, als menegherande
70[regelnummer]
Discoert comt tusschen die lande,
Datmen dat payse metter spoet;
Want orloghe en was noyt goet
Noch eerlijc, alsoe men leest,
En hadde op Gods viande gheweest,
75[regelnummer]
Oft om te behoudene dlant,
Als ons Catoen doet bekant,
Die dat ghebiedt van rechte
Datmen omme dlantscap vechte.
Ga naar margenoot+Dat derde poent volght hier an:
80[regelnummer]
Dats dat eens heren raedsman
Niene si ghier om gheniet.
Daer mochte groet verdriet
Af comen ende onneere,
Beide den lande ende den here;
85[regelnummer]
Want ghierecheit maect soe ontsint
Dicke den man dat hi en kint
Trouwe noch waerheit, wats ghesciet,
| |
[pagina 147]
| |
Die dinc daer hi hem toe riet;
Want dat ware scande boven scande,
90[regelnummer]
Dat een raetsman enegherande
Dinc sinen here raden soude,
Die hi selve niet doen en woude.
Dese vier poente soe sal
Elc raetgave hebben al,
95[regelnummer]
Die bewaren wilt sinen here
Ende daertoe sijns selfs ere.
|
|