Der leken spieghel
(1844-1848)–Jan van Boendale–
AuteursrechtvrijLeerdicht van den jare 1330
[pagina 132]
| |
Ende moeste staen tsinen ghebode;
10[regelnummer]
Want tgherechte quame van Gode,
Om datmen na recht soude leven
Ende elken mensche tsine gheven;
Ende dat en mochte oec die coninc niet
Met redenen breken, wats ghesciet,
15[regelnummer]
Maer tgherechte ware soe stijf,
Et soude den coninc nemen dlijf:
Des mochte hi verdienen wel.
Tgherechte en es gheen spel;
Ga naar margenoot+Want hem behoert starc te sine
20[regelnummer]
Ende elken te ghevene tsine,
Te nemene lijf, goet ende let,
Alsoe gheordineert heeft die wet.
Aldus eest tgherechte dan
Boven coninc ende alle man.
25[regelnummer]
Om sgherechten wille es die here,
Maer tgherechte en es, min no mere,
Om des heren wille ghemaect:
Soe wel hem diet wel gheraect!
Heerscapien sijn van Gode
30[regelnummer]
Ende comen ute Gods ghebode,
Om te houdene gherechtechede
Ende tfolc te bestierne mede;
Want en dadent die gherechten,
Tfolc soude altoes vechten,
35[regelnummer]
Moerden, stelen ende roven;
Nieman soude andren gheloven;
| |
[pagina 133]
| |
Die best mochte, wildijt weten,
Soude andren scoren ende eten,
Ghelijc den voglen ende den dieren
40[regelnummer]
Ende den vischen inder rivieren.
Daeromme salmen starkelike
Beide over mate ende over rike
Rechten ende oec ghelike,
Wel ende bescheedenlike.
45[regelnummer]
Alse die rechtre, wildijt weten,
Tien ghedinghe es gheseten,
Soe sal hi alsoe wel horen dan
Den armen alse den riken man,
Ende oec hem stat ende stonde maken
50[regelnummer]
Soe dat hi toghen mach sine zaken
Ende oec verandwerden mede:
Dit sal van rechte sijn sijn sede.
Daer en sal sijn gheen vordeel;
Want God in sijn ordeel
55[regelnummer]
Ga naar margenoot+Sal te rechte ende te gheliken
Elken sijn ordeel doen striken,
Welken ordeele, zonder waen,
Nieman en sal moghen ontgaen,
Daer die gherechte rechtre sal
60[regelnummer]
Tgoede ende tquade ordeelen al.
Inden soutre sprect her Davijt:
Salech sijn si talre tijt,
Die gherechtecheit doen voert gaen
| |
[pagina 134]
| |
Ende daer in altoes volstaen.
65[regelnummer]
Tullius sprect oec dit woert:
Tes rechters ambachte behoert,
Dat hi dat recht altoes voert steke
Ende onrecht velle ende breke.
Doet hi anders, dat verstaet,
70[regelnummer]
Soe es hi valsch ende quaet.
Die de quade doemen dan,
En mesdoenre twint an,
Noch diese tormenten mede;
Want et wijst gherechtechede.
75[regelnummer]
Maer waert dat sijs en daden niet
Om onste oft oec om gheniet,
Si mesdaden herde sere
Vore Gode, onsen here;
Want tgherechte, dit wilt leren,
80[regelnummer]
Zaecht die gramscap ons heren,
Ende wrect die overdaet, om dat
Ander liede des doen te bat.
Die de quade tormenten dan,
En mesdoenre twint an;
85[regelnummer]
Want si vervullen daer mede
Tghebod der gherechtechede.
Die ghene die in dat gherechte
Iemanne verdoeme[n] tonrechte,
Sijn met Gods vinghere ghewijst
90[regelnummer]
Ende verdeelt ende verwijst
Van Gods monde, sijds ghewes.
| |
[pagina 135]
| |
Ende hi die verwijst daer es
Ga naar margenoot+Jeghen recht, zonder sine scout,
Saels loen hebben menechfout
95[regelnummer]
In dat eweghe hemelrike,
Op dat hijt nam verduldechlike.
|
|