Der leken spieghel
(1844-1848)–Jan van Boendale–
AuteursrechtvrijLeerdicht van den jare 1330
Hoemen luxurie wederstaen sal. - [VIII.]Alse luxurie u becoert
Oft iet dat ten zonden toe hoert,
Soe seldi in ene innechede
Peinsen om die edelhede
5[regelnummer]
Die u sceppre verleent heeft
Uwe[r] zielen, daer si bi leeft:
Dats dat hise maken wilde
Ende beelden na sijns selfs bilde;
Ende selt dan dat beelde alleene
10[regelnummer]
Houden van smetten reene,
In sine ere, gheloevets mi,
Daer na dat ghemaect si.
Oft u een herde groet here
Doen woude alselke ere
15[regelnummer]
Ga naar margenoot+Dat hi u cleedre met hem gave,
Ghi soudt u hoeden daer ave
Dat ghise niene smettet dan;
Alse ghise te hove brachtet an,
| |
[pagina 114]
| |
Dat si dan scoene waren ende clare,
20[regelnummer]
Wet dat den here dat lief ware
Ende dat ghire oec bi waert gheert.
Aldus selen wi, alsmen ons leert,
Reine houden sonderlinghe
Der zielen edele cleedinghe,
25[regelnummer]
Die ons na sijns selfs ghedane
God heeft ghegheven ane,
Soe dat wi eerlijc ende met love
Ghecleedt comen tsinen hove,
Ende den heileghen Lamme volghen na,
30[regelnummer]
Daermen singht Alleluya.
Oec seldi ghedinken des
Dat svleeschs ghenoechte cort es,
Ende datmen daeromme besuurt
Groet torment dat euwelijc duert.
35[regelnummer]
Aldus soe mach, wildijt verstaen,
U quaede begherte te nieute gaen.
Ende soe ghi die coringhen quaet
Meer wedervecht ende wederstaet,
Soe ghise van daghe te daghe bat
40[regelnummer]
Wederstaen selt oec na dat.
Alse dat vier es soe groet
Datter af comt vreese oft noet,
Soe salment blusschen altehant:
Aldus sal der luxurien brant
45[regelnummer]
Ghebluscht werden, groet ende cleene,
| |
[pagina 115]
| |
Met ghepeinse starc ende reene,
Alsic vore hebbe gheseit:
Die hier op dinct, doet wijsheit;
Want oncuischeit van lichamen
50[regelnummer]
Doet der zielen vele blamen.
Ga naar margenoot+Nochtan maectmen ons ghewes,
Datsi verre die minste es
Van allen den hoeftsonden
Die de ziele ter doet wonden;
55[regelnummer]
Want oncuischeit niemene en doet quaet
Dan hem diere met omme gaet;
Maer moerden, stelen oft verraden
Bringt ander liede in groeten scaden.
Daeromme es beter een oncuisch man
60[regelnummer]
Die hem van andren zonden hoeden can,
Dan hi es die cuischlijc leeft
Ende hem tandren sonden gheeft.
Hijs wel ghetelt metten vroeden,
Die hem van allen wel can hoeden!
|
|