Der leken spieghel

Leerdicht van den jare 1330

Hoemen gramscap ende quade melancolie verdriven sal. - [VII.]

Die gramscap wille verduwen

Ende felle melancolie scuwen,
Sal gaen daer hi es alleene
Ende peinsen met herten reene
Om sinen God, sinen here,
Ende danken hem herde sere,
Dat hi ghewerdechde dat hi

[p. 112]

tekstkritische noten

Na sine ghelike sciep di,
Ende dat hi om di bereet heeft
Dat rike darmen euwelike leeft.

Du sout oec peinsen daer toe

Om die doet, die di spade ende vroe
Na volght, soe waer du gaes,
Waer du sits oft waer du staes,
Die du van di, des seker sijs,
Ghewerpen en cans in gheenre wijs.
Du en hebs gheen let dat di God gaf,
Du en souti verren bat daer af
Ende vandi werpen inder noet,
⁺Dan du sout alleene die doet.
Daerne helpt toe gheen curen,
Si naect ons van uren turen
Ende en houdt op nemmermeer
Sine hebbe ons verbeten eer.

Peinst om die ghene mede

Die ghebrec hebben an hoer lede
Ende oec vele armer sijn dan ghi,
Dat ghijt vele beter hebt dan si,
Ende danct des Gode zaen.

Dan seldi u voeghen gaen

Biden goeden daermen sprect
Van Gode ende oec vertrect
Bijspele ende exemple goet,
Ende keren daer toe uwen moet,

Vs. 10. Trijcke daermen eeuwelic in 1. 11. Ghij soudt. 12. die di ontbr. 13-16. Deze vier verzen ontbr. 17. Dune h. - dat u G. 18. Ghine soudt u v. 20. soudt. 21. Daer en h. 22. Soe n. dij v. u. te uren. 24. Sone h. u v. 27. oec ontbr. 28. vele ontbr. 33. exemplen.

+ (I. Fol. CXXXI. r. 2.)

[p. 113]

tekstkritische noten

Ende werpen u ghepeins verre
Vander dinc die u maect erre.

Hier met verdrijft di, dat ghijt wet,

Gramscap ende melancolie met
Ende felle ghepeinse, dat verstaet,
Ende alle begherte die es quaet.

Vs. 37. verdrijfdy, d. g. wedt.

Titel. (Cap. 9). Vs. 1. w. scuwen. 2. Die f. m. verduwen.