Der leken spieghel
(1844-1848)–Jan van Boendale–
AuteursrechtvrijLeerdicht van den jare 1330
Vanden senen euwen ende vandes tijds bescheede. - [LIIII.]Ghelijc die dach, sijds ghewes,
In seven uren gheset es,
Alsoe es oec die tijt al,
Die comen es ende comen sal,
5[regelnummer]
In seven euwen gheset.
Dierste euwe, dat ghijt wet,
Was van Adame tote Noe,
Doen over ertrike liep die zee,
Ende nieman en bleef te live
10[regelnummer]
Dan vier manne ende vier wive.
Dese ierste euwe hilt in
Twalef hondert jare, een min.
Dander euwe, alsic vernam,
| |
[pagina 408]
| |
Stoet van Noe tote Abraham,
15[regelnummer]
Daer een nuwe volc af quam,
Dat besnidenesse an nam,
Alsoe hem God, onse here, hiet.
Dese euwe stoet, alsmen siet,
Omtrent dusentech jare.
20[regelnummer]
Die derde euwe stoet hier nare,
Alsmen bescreven vint wel,
Tote dat die kinder van Israël
Over die zee trocken scoene
Ten lande van promissioene,
25[regelnummer]
Mids Gods, ons heren, gracie:
Dat heet men die transmigratie.
Selke liede maken ons cont,
Dat si tote Moysesse stont:
Hoe dat es, dat latic daer.
30[regelnummer]
Dese euwe stoet oec dusent jaer.
Die vierde euwe hilt horen tijt
Tote opten coninc David,
Die dierste coninc was van machte
Ga naar margenoot+ Over dat Joedsche gheslachte,
35[regelnummer]
Heilech prophete ende goet.
Dusent jare dese euwe stoet.
Die vijfte euwe duerde voert
Tote Jhesus Cristus gheboert,
Die mids sire godliker crachte
40[regelnummer]
Onse zalecheit met hem brachte,
| |
[pagina 409]
| |
Ende met sire heilegher doet
Ons halp uter helscher noet.
Dusent jaer seeghtmen mede
Dat dese euwe hilt hore stede.
45[regelnummer]
Die seste euwe die sal staen
Na Jhesus Cristus gheboert, zonder waen,
Tote dat hi weder comen zal
Dese werelt doemen al,
Ende elken loen zal gheven
50[regelnummer]
Van dat hi hier heeft bedreven.
Die sevende euwe volght hier na:
Dats de euwe, alsic versta,
Die altoes duert in deuwechede
Ende zonder inde hout hoer stede,
55[regelnummer]
Beide int scoene hemelrike
Ende in die hille die ghelike.
Vander hillen tribulatie
Verhoede ons die Gods gracie,
Ende bringhe ons daer boven met hem
60[regelnummer]
In dat overste Jherusalem!
Alsoe die tijt es, twaren,
Onderscheeden metten jaren,
Alsoe es djaer, wildijs lien,
Onderscheeden in vier partien,
65[regelnummer]
Linten, zomer, herfst, winter met;
Ende elc van desen, dat ghijt wet,
Es beset met maenden drie;
| |
[pagina 410]
| |
Elke maent heeft te horre partie
Vier weken oft daer omtrent,
70[regelnummer]
Ga naar margenoot+ Ende elke wekeGa naar voetnoot(*), als ghi wel kent,
Heeft der daghe seven an.
Nu soe seldi weten dan
Welc een naturlec dach si:
Een natuerlec dach, gheloevets mi,
75[regelnummer]
Es lanc in sinen doene
Vander ere noenen toter ander noene,
Ende elc dach in sire naturen
Hout in viere ende twintech uren,
Ende elke ure die es voert
80[regelnummer]
Ghedeilt op soe corten oert,
Dat elc cume heeft bevaen
Vander oeghen een opslaen.
Dus es met maten alle dinc:
Ja, des hemels ommerinc
85[regelnummer]
Ende dit ertrike, breet ende smal,
Maecte God met maten al;
Ende failgierde die mate iet,
En soude langher moghen staen niet.
Watmen doen sal ofte laten,
90[regelnummer]
Moet algader sijn met maten;
Want eest dat die mate failgeert,
Dwerc werd gherne ghedestruweert.
| |
[pagina 411]
| |
Ons seeght een wijs man ende en vroet:
Mate es tallen spele goet.
|
|