Der leken spieghel

Leerdicht van den jare 1330

Dit is dat Ave Maria. - XLII.

Hoort hier die selve groete,

Scone, bequame ende soete,

[p. 286]

 

Daer wi mede groeten daghelike

 

Die coninghinne van hemelrike,

5

In Dietsche, so ict best versta.

 

‘Ic groete di, Maria,

 

Gracien vol! die here metti zi!

 

Voor alle wive ghebenedijt zidi!

 

Die vrucht uwes lichamen

10

Is ghebenedijt! Amen!’

 

Amen sette ic daer selve toe,

 

Omme die rime te vinden alsoe.

 

Ooc weet ter waerhede,

 

Dat dinghel Maria niet en sede:

15

Dat heefter die kerke toe gheset,

 

Ende Sente Jans moeder, Elysabeth,

 

Sette daer toe, ghelovets mi:

 

‘Benedictus fructus ventris tui,’

 

Doe si Maria ontmoete,

20

Ende elc andren lieflijc groete,

 

Ende Elysabethten kint, datsi droech

 

In haren lichame, opt kint loech

 

⁺ Dat Maria hadde ontfaen.

 

Doe so sprac Elyzabeth zaen

25

Up die ure ende ter selver tijt:

 

‘Die vrucht uwes lichamen is ghebenedijt.’

+ (E. Fol. LXX. v. 1.)

Titel. H. Dit es die A.M.; I. Die A.M. in Dietsche. Vs. 1. I. hier ontbr.

Vs. 3. H. met grueten. 4. I. Der c. 5. I. H. ic b. 6. I. H. gruete. 7. I. vul, onse heere; H. ons h. met di. 8. H. Vore; I. allen wiven; H. benedijt. 9. H. De vrocht. 10. H. Es benedijt. 11. H. setticker s.; I. zeg icker s. 12. H. Om - venden; I. vindenne. 13. I. weedt ter waerheden. 14. H. niene. 15. I. heeft die k. daer mede gh. 16. I. Ende Sint; I. H. Lijsbet. 17. I. gheloeves. 19. H. si Marien; I. H. ontmoette. 20. I. anderen. - lieflijc ontbr.; H. groette. 21. I. H. Ende Lijsbetten. 22. I. op tkint. 24. I. Doen sprac Lijsbette; H. spr. Lijsbeth. 25. I. H. Op; I. ende ontbr. 26. H. vrocht uwes lijfs es benedijt.