Der leken spieghel

Leerdicht van den jare 1330

Hoe Jhesus Jacob ghenas vander slanghen. - XXXIII.

Doe Joseph aldus bi hem

Woonde in Bethleem,
Hiet Joseph sinen outsten zone
(Jacob zo hiet die gone),
Dat hi inden hof ghinghe daer uut,
Ende lase wermoes ende cruut,
Datmen zode ende eten zoude.
Jacob ghinc also houde
Inden hof daert wermoes stoet.
Jhesus volchde hem opten voet,
So dats niet en wiste Maria,
Noch Joseph, dat hi volchde na.

Doe Jacob begonste lesen

⁺ Wermoes, quam met desen
Een slanghe uter aerden te hant,
Ende sloech Jacob in sijn hant,
So datsi hem te hant ontstac
Vanden venine datter in stac,
Ende dat wee quam hem so groot,
Dat hi waende bliven doot.
Bitterlijc zo riep hi:

+ (E. Fol. LII. v. 2.)

[p. 157]

 

‘Een slanghe heeft ghedoot mi!’

 

Jhesus liep hem te hant toe,

 

Ende nammen metter hant doe

25

Daer hi dat wee in ghevoelde,

 

⁺ Ende die hant si vercoelde,

 

Ende Jacob en hadde ghenen noot,

 

Ende die slanghe lach daer doot.

 

Joseph ende Maria en wisten niet

30

Wat daer buten was gheschiet;

 

Maer doe si hadden ghehoort

 

Jacobs stemme ende sine woort,

 

Liepen si te hant dare,

 

Ende vonden tserpent doot voor hare,

35

Ende Jacob ghesont dies ghelike

 

Mids Jhesus Cristus visike,

 

Die alle wee mach ghenesen:

 

Ghebenedijt moet hi wesen!

+ (I. Fol. LXIII. v. 1.)

Titel. I. Hoe hij Jacoppe - slanghe bete; H. Jacoppe - sl. venine. Vs. 1. I. al ontbr. 2. I. binnen B.; H. binen B. 3. H. ousten. 4. I. H. zo ontbr.; H. de. 5. I. hij gh. inden h. der. 6. I. Lesen. 7. I. H. sieden. 8. I. Ende J. 9. I. daer w.; H. daer dw. 10. H. volghdem; I. volghede op den. 11. H. niene. 12. I. volghede; H. volghde. 13. I. began tc 1. 15. H. Ene - thant. 16. H. sl. Jacoppe an sine; I. aen s. 17. H. thant. 18. I. fenine. 19. I. H. dwec. 21. I. Bitterlike; H. Betterlike.

Vs. 22. I. H. Eene - doot. 23. H. thant. 24. I. H. nammene; I. bider h. 25. I. H. dwee. 26. I. H. zoe v. 27. H. ghene. 28. I. Dese sl. bleef dair. 29. H. en ontbr. 30. I. es gh. 32. I. sijn. 33. I. H. met vare; H. te hem met vare. 34. I. Die slanghe vonden sij doot dare; H. Dserpent vondensi doet dare. 35. H. Ende Jacoppe; I. H. die. 37. H. al. 38. I. Gh. zo m.