Der leken spieghel

Leerdicht van den jare 1330

[p. 150]

tekstkritische noten

Hoe die meester sterf doe hi Jhesum sloech. - XXX.

Noch worden ghebeden hier na

Beide Joseph ende Maria,
Datmen tkint sette ter scolen,
Also douderen hadden bevolen.
Doe leiden si tkint te hant
Ten besten meester diemen vant,
Om dathi hem zoude gheven voort
Wijsheit die ter werelt hoort.
Die meester was een stuer man,
Ende ghinc den kinde herdelijc an,
Ende woude hem doen zegghen Alpha.
Jhesus antwoorde daer na:
‘Segt wat Betha is mi,
Ic zegghe u wat Alpha si.’
Hier om wert die meester gram,
So dat hi een roede nam,
Ende sloech Jhesum op sijn hoot,
Ende thant viel die meester doot,
Ende Jhesus stont op ter vaert,
Ende ghinc thuus tsire moeder waert.

Joseph vernam dese zake,

Ende was zere tonghemake.
Tot Marien sprac hi aldus:

Titel. H. starf - Jhesuse; I. Jhesumme. Vs. 2. I. Beide ontbr. 3. I. Datement tkint. 4. I. H. doudere. 5. I. leedden; H. thant. 7. I. hem geven soude v. 10. I. hardelike. 11. I. wilden d. 12. H. antwerde hem d. 13. H. wat Detha. 14. H. seggu. 15. I. H. omme. 16. H. ene. 17. I. sl. Jhesomme op thooft; H. op thoet. 18. I. Te hant. 19. H. stoet. 20. I. H. tsiere. 22. I. wert. 23. I. H. Tote; I. dus.

[p. 151]

 

‘Ic duchte zere dat Jhesus

25

Deser dinghen te vele zal pleghen,

 

Dat hi sal worden versleghen

 

⁺ Van yemene in haesticheden,

 

Want vele volcs is ombesceden.’

 

Maria sprac: ‘En ontsiet u twint:

30

Die ghene diet heeft ghesint

 

Onder tfolc hier te dale,

 

Salne beschermen wale.’

+ (I. Fol. LXII. v. 1.)

Vs. 25. I. Deser dinc; H. Derre dinghe; I. H. soe vele. 26. I. H. hi werden sal v. 27. I. met h. 28. I. vele des volcx; H. onbescheden. 29. I. en ontbr.; H. onsiedu. 30. I. die hem h. 31. I. tvolck. 32. I. Salene; H. b. harde w.