Der leken spieghel

Leerdicht van den jare 1330

⁺ Vanden kinde dat vanden solre doot viel, dat Jhesus verwecte, - XXV.

Onlanghe so voeren hier na

Joseph ende Maria
Te Nazareth wonen in die stede,
Ende Jhesus voer mede.
Op enen Saterdach ghevel,
Dat vele kindere hadden spel
Op enen solre in een huus,
Daer mede so was Jhesuus.
Daer si dus speelden over een,

+ (E. Fol. L. v. 1.)

[p. 142]

10

Gheviel datter kindere een

 

Een ander van dien solre stac,

 

⁺ So dat sinen hals brac

 

Ende bleef doot optie stat.

 

Vader ende moeder vernamen dat,

15

Ende liepen te Joseph ende Marien,

 

Ende begonsten Jhesum betien

 

Dathi haer kint hadde ghedoot,

 

Ende maecten die claghe groot.

 

Jhesus die zweech al stille,

20

Ende liet hem zegghen haren wille.

 

Alse Maria dit hoort,

 

Is si ghestreken voort

 

Opten solre daer Jhesus stoet.

 

- ‘Lieve kint,’ sprac si, ‘maect mi vroet:

25

Hebdi dese dinc ghedaen?’

 

Jhesus is neder ghegaen

 

Toten kinde daert lach,

 

Daert alle dat volc toe sach.

 

Met sinen name noemde hijt do,

30

Ende riep lude: Zeno!

 

Sprec vollic jeghen mi.

 

- ‘Heer!’ sprac tkint, ‘wat ghebiedi?’

 

- ‘Was ict die u neder stiet?’

 

- ‘Heer!’ sprac tkint, ‘neen ghi niet.’

+ (I. Fol. LXI. r. 1.)

[p. 143]

35

Dies wonderde papen ende leken,

 

Die aen saghen dit teken,

 

Ende dancten Gode van dien

 

Datsi dat wonder hadden ghesien.

Titel. H. dat viel vd. s., dat Jh. v.; I. dat viel vd. soldere, dat Jh. v. vander doot. Vs. 2. I. H. Woenen J. 3. I. H. wonen ontbr. 6. I. kinderen. 7. I. solder. 8. H.m. speelde Jh.; I. met speelde Jh.

Vs. 10. I. Ghevielt: H. dat der; I. H. kinder. 11. H. En a.; I. H. vanden solder. 12. I. H. dat viel ende den h. 13. I. H. op die. 15. H. te Josephe e. te M.; I. tot J.e. tot M. 16. H. Jhesuse; I. te tyen. 17. I. H. doot. 19. I. die ontbr. - zweecht. 20. H. hen. 21. I. dat. 23. H. Op dien; I. soldere. 25. I. Heefstu; H. Hebs du. 28. I. Daer tvolc al toe; H. alt volc. 32. I. H. Here; I. gebieddy. 33. I. H. die di n. 34. I. H. Here.

Vs. 35. H. Doe wonderes; I. Des w. den p. 36. H. anescouden; I. dit scone t. 38. H. dit.