Der leken spieghel

Leerdicht van den jare 1330

Hoe des princhen kint doot bleef, ende noch een ander dat Jhesus weder leven dede. - XXII.

Echter gheviel dat Jhesus

Op sinen putte speelde aldus
Als hi te voren hadde ghedaen.
Doe so quammer toe ghegaen
Vanden princhen des papen zone^(*),
Die quader kintscheit was ghewone;
⁺ Ende hadde in sijn hant een roede,
Daer hi mede, in evelen moede,
Jhesus werc ontwee stiet.
Jhesus sprac, als hi dat ziet:
O zaet der quader nidicheit,
Ghefundeert op alle archeit,

(*) De lezing der variant is verre te verkiezen.

+ (I. Fol. LVIII. v. 2.)

[p. 129]

 

Des duvels kint altemale,

 

Sekerlijc, ic segt di wale,

15

Die vrucht van dinen zade

 

Sal cranc sijn, vrooch ende spade,

 

Ende dine wortelen mede

 

Sullen sijn zonder vochthede,

 

Ende dine telghe in dinen daghen

20

En sullen ghene vruchte draghen.

 

Ende daer sijt alle zaghen toe,

 

Bleef dat kint doot doe.

 

Joseph nam Jhesum mitter vaert,

 

Ende leidene thuus waert.

25

Maria die ghinc met.

 

Doe so quam al onghelet

 

Een ander kint van fellen wille,

 

Ende spranc al zwighende stille

 

Op Jhesus scouderen, om dat hine

30

Quetsen woude of doen pine,

 

Hadhijt moghen bringhen toe.

 

Jhesus sprac tote hem doe:

 

‘Du en salte keren niet ghesont

 

Van desen weghe, doe ic di cont.’

35

Mettien viel dat kint doot.

 

⁺ Vader ende moeder maecten rouwe groot

 

Ende misbaer, doe sijt vernamen,

+ (E. Fol. XLVIII. v. 2.)

[p. 130]

 

Ende die vriende alle te samen

 

Riepen lude: Hoe comt dat dit kint

40

Sijn woort niet meer en wint?

 

Al dat hi spreect dat gheschiet,

 

Des en ghebreect emmer niet:

 

⁺ Ja, eer hi twoort uut laet gaen,

 

Is sulcstont sijn wille ghedaen.

45

Doe ghinghen moeder ende vader

 

Te Joseph beide gader,

 

Ende spraken tote hem aldus:

 

‘Doet wech desen Jhesus:

 

Men sal hem te rechte verbieden

50

Te wonen metten lieden;

 

Ofte leert hem dathi benedien can,

 

Ende niet en maledie voort an.’

 

Doe Joseph hoorde dese woort,

 

Streec hi te Jhesumme voort.

55

Hi sprac: ‘Waer omme doedi

 

Dus groot vernoye mi?

 

Tfolc maect alle daghe

 

Over u grote claghe,

 

Ende wort op ons al ontsint,

60

Ende ghi wort onghemint

 

Over al hier int lant.’

 

Jhesus antwoorde te hant:

+ (I. Fol. LIX. r. 1.)

[p. 131]

 

‘Die vader leert den kinde voort

 

Wijsheit die ter werelt hoort:

65

Mijn vader leert zinen zone

 

Wijsheit die coomt uten trone.

 

Des vaders vloec niement en deert,

 

Dan hem allene die quaet begheert.’

 

Hier binnen quam tfolc al,

70

Ende maecten op Jhesum groot ghescal,

 

Ende claechden in lanc zo mere.

 

Joseph wert vervaert zere,

 

Om dat tfolc dus ghebaerde.

 

Doe nam Jhesus metter vaerde

75

Tkint biden oere daert lach,

 

⁺ Daert alt volc toe sach,

 

Ende hief so hoghe tkint,

 

Dat hem die aerde en ghereen twint,

 

⁺ Ende sprac hem aen mit zoeten zinne,

80

Ende sijn gheest quam weder inne,

 

Ende wert levende openbare,

 

Dies hem allen wonderde dare.

+ (E. Fol. XLIX. r. 1.)

+ (I. Fol. LIX. r. 2.)

Titel. I. ander kint dat hij w. Vs. 1. I. H. Echt; I. ghevielt. 2. H. sine putten; I. dus. 3. H. Alse. 4. I. Doen quam dair toe. 5. I. H. Vd. papen des princhen z. 7. H. sijn ontbr. - ene. 8. I. met; H. Daer mede hi; I. H. in overmoede.

Vs. 13. I. H. Sduvels. 14. I. H. seghdi. 15. H. vrocht. 16. H. cranken vr. 17. I. wortele. 18. I. vruchthede. 19. I. dijn telgheren in dine. 20. I. vrucht; H. vrocht. 23. I. nam Jhesus ter; H. nam Jhesumme. 25. I. Maria zoe gh. 27. I. van argher w. 28. I. H. al ontbr. 29. H. scoudre. 30. I. wilde ende d.; H. ofte. 31. I. Hadde hijt; H. Haddijt. 32. I. H. te hem. 33. I. Dune soudt niet keeren g.; H. Du en sout niet keren gh. 34. H. w. dat doe; I. ic u c. 35. I. H. tkint. 36. I. H. rouwe ontbr. 37. I. H. Ende ontbr.

Vs. 38. I. alte samen. 39. I. Ende riepen. - lude ontbr. 40. I. Sine woirden niet en mint; H. nemmer en w. 42. I. en ontbr. 43. I. H. dwoort. 44. I. Es sinen w. selc stont gh. 46. I. H. Tote; H. Josephe. 47. I. hem dus. 48. I. H. Doet henen d. 50. H. woenne. 51. I. Off; H. Oft - dadt b. 52. I. H. niet maledien. 54. I. tot Jh.; H. te Jhesomme. 55. I. doet dy. 56. I. Aldus; I. H. vernoy. 57. I. H. Tvolc. 59. I. werdt; H. wert op ons onsint. 60. I. werdt; H. wert. 61. I. hier ontbr. - H. in dlant. 62. H. antwerde thant.

Vs. 64. H. ter ontbr. 67. H. vader - nieman; I. niemen. 68. I. quaetheit. 69. H. Hieren b.; I. H. tvolc. 70. I. H. maecte; H. Jhesumme. 71. H. claghden ielanc; I. cl. zo l. 73. I. H. tvolc. 75. H. Dkint metter oren; I. metten oeren. 76. I. H. al tvole. 77. I. H. h. op so h. dat kint. 78. H. hem derde; I. hem en deerde niet een twint. 79. I. ane; H. h. toe m. 81. I. openbaer; H. ophenbaer. 82. H. hen; I. H. daer.