Der leken spieghel

Leerdicht van den jare 1330

Hoe Jhesus tkint sterven dede, om dattet sinen putte brac. - XX.

⁺ Dus bleven si in Egypten lant

Tote dat Herodes, haer viant,
Doot was. Doe quam dynghel zaen,
Ende dede Joseph verstaen,
Dathi moeder ende kint name,
Ende weder te lande quame:
Die tkint zochten, waren doot.
Joseph en beide clein noch groot:
Te lande waert is hi ghetiet,
Also alse hem dinghel hiet.
Hi voer wonen onghelet
In die stat van Nazareth,
Om dathi zoude heten dus
Na die stat Nazarenus;
Want die scrifture dede voren weten:
‘Nazarenus sal hi heten.’
Onlanghe daer na, als ic las,
Dathi uut Egypten comen was

+ (E. Fol. XLVII. v. 2.)

[p. 124]

 

Ende in Galilea woonde daer,

20

⁺ Doe hi ghinc in sijn vijfte jaer,

 

Also ic bescreven sach,

 

Sat hi op enen Saterdach

 

Ende speelde mit kindren int sant

 

Ane der Jordanen cant.

25

Daer maecte hi mitten handen zine

 

Zeven scone viverkine,

 

Ende elc met zinen condute.

 

Doe dede hi comen ute

 

Der Jordanen, die was diep,

30

Water dat rechte liep

 

In sine putte, twaren,

 

So datsi alle vol waren,

 

Ende deedt weder uut lopen zaen.

 

Also dede hijt comen ende gaen

35

Also dicke als hijt woude doen,

 

Ende dander en constens niet ghedoen.

 

Doe sat daer een kint anden rinc,

 

Dat so sere beneet dese dinc,

 

Dat het Jhesus putte brac.

40

Jhesus sach op hem ende sprac:

 

⁺ ‘Wee di! zone der nidichede,

 

Sathanas kint daer toe mede!

 

Hoe waerstu so coene van ghedachte,

+ (I. Fol. LVIII. r. 1.)

+ (E. Fol. XLVIII. r. 1.)

[p. 125]

 

Dattu braecs twerc dat ic wrachte?’

45

Daer bleef tkint doot optie stat.

 

Vader ende moeder vernamen dat,

 

Ende maecten jammerlijc misbare,

 

Om dat haer kint doot ware.

 

Si liepen beide al onghelet

50

Te Joseph ende Marien met,

 

Ende maecten jammerlike claghe,

 

Om dat haer kint daer doot laghe,

 

Van Jhesus vloeken, op dat zant.

 

Joseph ende Maria te hant

55

Waren in vernoye groot,

 

⁺ Om dat kint dus was doot;

 

Want si tgheruchte ontsaghen

 

Van vrienden ende van maghen,

 

Dat op hem quam onghespaert.

60

Doe ghinghen si te Jhesum waert

 

Joseph ende Maria beide.

 

Joseph tot Marien zeide:

 

‘Ic en dar niet also wel als ghi

 

Hem toe spreken, ende daer bi

65

Vraecht hem, waer omme dat hi

 

Aldus ghedaen van sinne zi,

 

Dat hi des volcs evelen moet

 

Jeghen ons allen keren doet.’

+ (E. Fol. LVIII. r. 2.)

[p. 126]

 

Doe si dus te zamen

70

Tote Jhesum quamen,

 

Sprac Maria te haren kinde,

 

Datsi niet luttel en minde:

 

‘Wat hadde dese jonghelinc misdaen,

 

Dathi sterven moeste zo zaen?’

75

Jhesus antwoorde ende sprac:

 

‘Hi is der doot waert, want hi brac

 

Uut sinen quaden ghedachte

 

Dat werc dat ic wrachte.’

 

Maria die bat hem zere

80

Dat hijs en dede niemere,

 

⁺ Want alt volc ware in rure

 

Op hem ter zelver ure.

 

Jhesus en woude niet

 

Sijnre moeder bedroeven yet.

85

Sinen voet hi an tkint dede:

 

- ‘Stant op,’ seit hi, ‘kint der quaethede

 

Dune biste niet waert, waerlike,

 

Te comene in mijns vader rike;

 

Want du uut dinen quaden gronde

90

Mijn werc braecs te deser stonde.’

 

Tkint stont op ter vaert,

 

Ende ghinc ghesont thuus waert.

+ (E. Fol. XLVIII. r. 2.)

Titel. I. Hoe dat Jh. tk. st. d. dat s.p. br. ende weder leven dede; H. dede dat sine putten brac, ende weder levende wert. Vs. 2. H. hore. 4. I. deet Joseppe; H. dede Josephe. 7. I. Diet tkint. 8. H. beidde cleine. 10. I. H. als hem. 12. H. Inde. 15. H. dscrifture - vore. 16. I. Naz. zo sal. 17. H. alsict. 18. H. hi ontbr. - utc.

Vs. 20. I. vijfste. 21. I. Alsoe als ic. 23. I. H. kinderen. 24. I. Op der; H. Opter. 25. H. maecti. 26. I. Twee scone; H. wuwerkine. 27. I. conduten. 28. H. dedi. 29. H. Dier. 31. I. sinen - te waren; H. putten. 32. I. So ontbr. 33. I. uut comen saen. 34. I. Aldus; H. dedijt. 35. H. Alse; I. wilde. 36. H. dandere; I. constent. 37. I. daer ontbr. - ane den. 38. I. beneed die. 39. I. Dat Jh.; H. putten. 40. I. hem ontbr. 41. I. nidicheden. 42. I. Sath. zone d. 43. H. waers du; I. so crane van.

Vs. 44. H. dwerc; I. Dattu dweerc braechs dat. 45. I. bleeft tk.; I. H. op die. 47. I. jammerlike. 49. I. al ontbr. 50. H. Te Josephe; I. ende te M. 51. I. H. Ende daden j. 52. I. H. Om ontbr. 53. I. vloucke; H. vloeke. 54. H. thant. 56. I. H. dat dat k.; I. dus ontbr. 58. I. H. Vanden Joden; I. ende vanden m.; H. ende den m. 59. H. hen. 62. H. tote. 63 en 64. I. Deze beide verzen ontbr. 63. H. alse. 64. H. ende ontbr. 66. I. Dus. 67. H. volx; I. volcx evele. 68. I. allen ontbr.; H. al.

Vs. 70. H. Tote Jhesumme. 71. H. thoren. 72. I. Dat zoe met hetten zeere m. 74. I. m. dus saen. 76. H. Hijs. 77. I. H. siere quader. 78. I. Die wercken die ic; H. Die werke die ic. 79. I. die ontbr. 80. I. H. dade nemmermeere. 81. I. H. al tvolc; H. dat ware. 82. H. tier; I. uren. 83. I. wilde. 84. I. H. Siere. 85. H. Sine. 86. H. sprac hi. 87. I. best; H. beest. 88. H. mijs; I. vaders. 90. I. braechs. 91. H. Dkint; I. H. metter v. 92. H. tuus.