Der leken spieghel

Leerdicht van den jare 1330

[p. 80]

Hoe die drie coninghen tkint versochten met haren ghiften. - XII.

Te gadre datsi quamen,

Dese drie coninghen, ende namen
Haren wech ten kinde waert.
Die sterre ghinc voor in die vaert^(*):
Neder in die lucht was haer gaen,
Niet daer die andre staen.
Die drie coninghen volgheden na,
Ende brochten, alsic versta,
Drierhande ghiften ooc:
⁺ Gout, mirre ende wierooc.
Inden goude kinden si wel,
Dat dit kint ende niement el
Die alremoghenste coninc ware;
Inden wierooc kenden si clare,
Dat hi die overste priester si;
Inden bittren mirre daer bi
Kenden si zine bitter doot,
Die hi liden zoude^(†) zo groot.
Al dit bekenden si wale

(*) Vs. 3 en 4 zijn in het tekst-handschrift in omgekeerde volgorde geschreven; doch de afschrijver heeft zijne fout, door de letters a.b. op den kant te zetten, zelf aangeduid en verbeterd. I. en H. zijn van deze vergissing vrijgebleven.

+ (E. Fol. XLI. r. 2.)

(†) Het HS. heeft: soude zoude.

[p. 81]

20

⁺ In die sterre ten zelven male,

 

Want si waren alle drie

 

Wijs in astronomie.

 

Doe si dus ten kinde waert vuren,

 

Quamen si bider avonturen

25

Daer si den coninc Herodes spraken,

 

Die nauwe ondervant die zaken

 

Ende den tijt vander sterren.

 

Hi bat hem datsi zonder merren

 

Al daer weder zouden keren:

30

Hi woude tkint ooc varen eren,

 

Alse hi wiste waer ment vonde.

 

Maer dit quam uut quaden gronde,

 

Want hi en meendes twint,

 

Mar om dat hi dat kint

35

Doden woude daer nare,

 

Alse hi wiste waer het ware;

 

Want hi ontsach hem van desen

 

Dat tkint gheboren mochte wesen

 

Van sijnre viande gheslachte,

40

Ende hem van sijnre machte

 

Werpen mochte ende verdriven.

 

Hier bi woude hi tkint ontliven.

 

Doe si quamen, als ic las,

 

Biden huse daer Maria in was,

45

Bleef die sterre staende stille

+ (I. Fol. L. v. 2.)

[p. 82]

 

Boven thuus, na Gods wille.

 

Int huus sijn si ghegaen;

 

Op hare knien vielen si zaen

 

Voor dat cleyne kindekijn

50

⁺ Ende voor die mate moeder zijn,

 

Dese drie coninghen rike,

 

Wel herde ootmoedelike.

 

Ende als si hare offerhande

 

Ghedaen hadden drierhande,

55

Als ic u voren hebbe gheleert,

 

⁺ Sijn si thuus waert ghekeert

 

Al enen andren wech zaen,

 

Alse hem dynghel dede verstaen

 

In haren slape daer si waren.

60

Aldus en conste, twaren,

 

Herodes vernemen twint,

 

Waer hi vinden mochte tkint.

+ (E. Fol. XLI. v. 1.)

+ (I. Fol. LI. r. 1.)

Titel. H. coninghe - ghichten; I. dat kint. Vs. 1. I. gadere; H. dat si doe q. 2. I. H. coninghe. 4. I. voren; H. vore. 6. I. dander; H. dandre; I. H. sijn ghestaen. 7. H. coninghe; I. H. volghden. 9. H. ghichten. 11. I. kennen. 12. I. H. Dat dat k.; H. nieman. 14. I. Int w. 15. I. H. doverste. 16. I. bitteren. 17. H. bittre. 18. H.I. sal so. 19. H. Alle; I. H. kenden.

Vs. 22. I. in de conste van astromie. 23. I. te lande w. voeren. 24. I. zij met a.; H. Vonden si bi a. 26. I. Die hem. n. ondervraeght d. 28. H. hem ontbr. 30. I. wilde. 31. H. Alshi. 32. I. H. Maer ontbr.- H. ute. 33. H. menes. 35. I. wilde. 36. I. waer dat w.; H. waert w. 38. I. gh. soude w. 39. H. sire; I. siere vianden. 40. I. zijnder H. sire. 42. I. wilde hij; H. woudi. 43. I. H. also ic. 44. I. H. in ontbr.

Vs. 46. I. thuus bij G. 49. H. Vore. 50. vore. 51. I. H. drie ontbr. - coninghe. 52. I. H. Wel ontbr. 53. H. alsi hore offrande. 55. I. H. u ontbr.; H. vore. 57. I. anderen. 58. I. Also; H. Alsoe hen. 60. I. H. te waren. 62. H. dat kint.