Der leken spieghel

Leerdicht van den jare 1330

Hoe Maria ghepresenteert was inden tempel. - IIII.

Maria, die jonghe joghet,

Wies in gracien ende in doghet,
Dier si altemale vol was,
Want God onste haer das.

Doe si was van drie jaren

Ende melcs mochte ontbaren,
Woude moeder ende vader
Gode doen algader
Datsi ghelooft hadden voren,
Als ghi voren moghet horen.
Tkint brochten si met eren
Gode te loven ende teren
Toten temple, die hoghe was ghestaen,

[p. 36]

 

So datmen op moeste gaen

15

Vijftien trappen dicke,

 

⁺ Hoghe ende onghemicke.

 

Daer setten si tkint neder,

 

Ende zoudent vernemen weder

 

Ende opdraghen met hoeden.

20

Ende als sijs minste moeden,

 

Is tkint zonder hulpe zaen

 

Allene die trappen opghegaen,

 

Sonder yemens toe doen.

 

Dies wonderde hem allen doe[n].

25

Ende om tghedincken van desen

 

Vintmen noch liede die lesen

 

Die vijftien salme te eren

 

Maria die moeder ons heren,

 

⁺ Die vijftien trappen op ghinc,

30

Jeghen der naturen ghehinc;

 

Want te teeder was hare macht

 

Te doen alsulke cracht.

 

Hare offerhande daden si daer,

 

Alsmen plach te dien outhaer,

35

Ende dancten^(*) Gode der gave,

 

Ende keerden weder daer ave

 

Thuus waert haerre straten,

 

Ende hebben tkint daer ghelaten

+ (E. Fol. XXXIV. v. 1.)

+ (I. Fol. XLIII. r. 2.)

(*) Het HS. heeft dancken.

[p. 37]

 

Metten maechden, die plaghen

40

Te werkene in dien daghen

 

Ornamenten ende chierhede,

 

Daermen mede dede

 

Gods dienst te dier stede,

 

Alsoot doe was die zede.

45

Dit werc leerde si zo wel,

 

Dat sijt bet dede dan yement el;

 

Dat den andren maechden daer

 

Te werkene was al te zwaer

 

Ende te subtijl ende te rike,

50

Dat wrachte si lichtelike.

 

Ende om datsi was van desen zinne,

 

Hietense dander coninghinne:

 

Si seiden waer, diet wel besiet,

 

Al en wisten zijs zelve niet.

55

Daghelijcs quam dynghel te hare,

 

⁺ Dien si scouwede openbare,

 

Diese vriendelijc visiteerde

 

Ende themelsche broot presenteerde;

 

Want si was van zeden

60

Ghaerne in enicheden

 

In hare innighe ghebeden,

 

Al vol ootmoedicheden.

 

Sine quam noit voor mans aenschijn,

+ (E. Fol. XXXIV. v. 2.)

[p. 38]

 

Daer sijs quite mochte zijn;

65

⁺ Si ontrac haer tallen steden

 

Uter menschen onleden,

 

Ende voeghede haer allene,

 

Om datsi mit herten rene

 

Ghebruken woude, in vruechden diep,

70

Haers brudegoms diese sciep.

+ (I. Fol. XLIII. v. 1.)

Titel. I. gh. werdt i.; H. wart gh. Vs. 1. I. H. dese j. joecht. 2. I. Wies op in - duecht; H. doeght. 3. I. Dier altemael soe v. 4. I. Want God onse heere jonste; I. H. hare. 5. H. drien. 6. I. melexs moeste. 7. I. Wilden. 10. I. Alse; H. vore moeght. 12. I. H. Toten tempele (H. temple) ons heeren. 13. I. H. Die tempel; I. was so h. gh.; H. was h. gh.

Vs. 14. I. dm. daer op. 15. H. Viftiene. 18. I. souden. 20. I. sij minst; H. alsijs minst. 22. I. H. Alle d. 24. H. hen. 25. I. om gh. 26. I. noch ontbr. 27. H. viftiene zalme; I. psalme; I. H. teeren. 28. I. H. Marien der m. 29. I. H. Die de v. 31. I. te ontbr.; H. hoer. 32. I. H. doene; H. al selkene. 33. I. Haer; H. Hore offrande; I. H. dare. 34. I. H. pleecht - outare. 35. I. H. dancten; I. gaven. 36. I. H. daer ontbr.

Vs. 39. I. Met dien m.; H. Mettien m. 41. I. H. Ornamente; H. sierhede. 43. I. dienste; H.d. tier. 45. I. H. Dat. 46. H. ieman. 47. I. anderen. 48. I. werken; I. H. al ontbr. 49. I. H. Het eerste ende ontbr. 51. I. H. Ende ontbr.; I. vanden sinne. 52. H. dandere. 54. I. Al ne. 55. I. thare. 56. I. Die zij scoude. 57. I. vriendelike visenteerde. 58. I. prosenteerde. 61. H. haren inneghen. 62. I. volle. 63. h. q. nie v.

Vs. 65. I. onttrac; H. hare. 67. I. voechde; H. hare. 69. I. wilde; H. vreuden.