Der leken spieghel
(1844-1848)–Jan van Boendale–
AuteursrechtvrijLeerdicht van den jare 1330
Van onsen vadren, ende wat telken dusent jaren ghesciede. - XXXVIII.Adaem was onse eerste vader,
Om dat tfolc altenen gader
Van hem quam van beghinne.
Onse ander vader, alsict versinne,
5[regelnummer]
Dat is die goede Noe,
Omme dat dat volc voort mee
Na die diluvie van hem quam.
Ga naar margenoot+ Onse derde vader is Abraham,
Om dat hem God der eren onste,
10[regelnummer]
Dat dat Joodsche volc begonste
Op hem ende van hem sproot
Die twalef gheslachten groot
Vanden kindren van Israhel.
Isaac, Jacob ende Samuel,
15[regelnummer]
Moyses ende die coninc Davijt,
| |
[pagina 150]
| |
Ende menich ander in sinen tijt
So volmaect was in sijn leven,
Dat hi van Gode was verheven,
Ende ons exempel hebben ghelaten
20[regelnummer]
Te comene ter eweliker baten
Ende ten duechden: ende bi desen
Heten wise vadre wesen.
Abraham is der Joden vader
Ende ooc onser alre gader;
25[regelnummer]
Want Christus, dat Gods lam,
Van Abrahams gheslachte quam,
Ende wi alle Cristus kindre sijn,
Die in sijn ghelove sijn fijn.
So is Abraham ghevallen,
30[regelnummer]
Dat hi vader is van ons allen
Ende vanden zielen uutvercoren,
Die te hemelrike behoren;
Ga naar margenoot+ Daer bi seitmen albloot,
Datsi varen in Abrahams scoot.
35[regelnummer]
Telken dusent jaren,
Ofte niet vele meer, twaren,
Is emmer wonder ghesciet,
Ofte des volcs staet is yet
Verwandelt, also ic u
40[regelnummer]
Hier sal zegghen nu.
Van Adame tote Noe,
Dat over aertrike liep die zee,
| |
[pagina 151]
| |
Waren twalefhondert jare,
Een luttel min, dats openbare.
45[regelnummer]
Van Noe tote Abraham,
Daer een nuwe volc of quam,
Ende besnidenisse eerst gaf uteGa naar voetnoot(*),
[Waren dusent jaer al ute.
Van Abraham tote Moyses
50[regelnummer]
Waren oic dusent jaer, ghewes,
Doen tvolc van Israël scone
Trac vanden coninc Pharaone
Doer die rode zee sire veerde,
Dat hem dwater niet en deerde;
55[regelnummer]
Daer Moyses, in ware dine,
Van Gode die wet ontfinc.
Van Moyses toten coninc Davijt
Was meer dan dusent jaer oec die tijt,
Die een heylich prophete was,
60[regelnummer]
Ende die den soutre eerst maecte ende las;
Dien God hadde alsoe lief,
Dat hine van sinen scapen hief
Ende maecten coninc van machte;
Ende van sinen gheslachte
65[regelnummer]
Wart Maria gheboren,
Gods moeder uutvercoren,
Die elken mensche brochte genade,
| |
[pagina 152]
| |
Die ane haer roupt, vrouch ende spade.
Ga naar margenoot+ Van Davite waren voert
70[regelnummer]
Dusent jaer tote Christus gheboert,
Die de nyewe wet ende tnieuwe leven
Alder werelt heeft ghegheven.
Ende tusschen Christus carnacioen
Ende dat Godevaert van Bulyoen
75[regelnummer]
Jherusalem wan die stede,
Met coste ende met arbeyde,
Waren elf hondert jare,
Een min, ic zegghe u tware,
Op al der Apostelen dach,
80[regelnummer]
Die opten vriendach ghelach.
Dit en seg ic elder omme niet,
Dan dair omme dat gherne gesciet
Te dusent jaren ende te twee hondert
Yet datter werelt wondert.
85[regelnummer]
Ende van Godevaert sijn leden,
Tote dat ic te deser stede
Dichte dese selve lesse,
Twee hondert jaer twintich ende sesse;
Al tAntwerpen in die stadt:
90[regelnummer]
Over waer zeg ic u dat.
|
|