Der leken spieghel
(1844-1848)–Jan van Boendale–
AuteursrechtvrijLeerdicht van den jare 1330
[pagina 109]
| |
Dat ghierichede tquaetste es.
5[regelnummer]
Paulus seit, dat ghiericheit
Wortele is van alre quaetheit.
Ghiericheit doet verkeren
Ga naar margenoot+ Paeuse, bisscoppe ende landsheren,
Rechters, scepene ende ander liede,
10[regelnummer]
Die overmids ghiften ende miede
Onrecht laten voort gaen,
Ende gherechticheit weder staen.
Ghiericheit brinct ooc voort
Diefte, crachte ende ooc moort,
15[regelnummer]
Lieghen, smeken ende verraden,
Ga naar margenoot+ Ende brenct den menighen in scaden.
Der ghierigher quaetheit is zo groot,
Datsi niet en kennen broederliken noot,
Ende vader ende moeder of gaet,
20[regelnummer]
Ende Gods niet en acht een zaet,
Noch gheen dinc en bekint,
En si datmen daer ane wint.
Dattie ghierighe, zekerlike,
Deen helft hadde van aertrike,
25[regelnummer]
Hem zoude ghebreken tander deel;
Ende als hijt hadde al gheheel,
So zoude hi nochtan om meer roeken,
Wiste hijt waer zoeken,
Ende al nochtan dat aerdsche goet;
30[regelnummer]
Want zo wie daer toe staet den moet,
| |
[pagina 110]
| |
En acht hemelrijcs niet twee peren,
Maer goet dat is al sijn begheren;
Nochtan en can hi selve ghemerken,
Wat hi mitten goede sal werken.
35[regelnummer]
Ons seghet een heylich man:
Also een kemel niet comen en can
Door eenre naelden gat,
Also en mach, verstaet wel dat,
Die vrecke man rike
40[regelnummer]
Niet comen in hemelrike.
Ende also die twater laedt,
Drinckens niet en wort versaet;
Ende so die des waters volre si,
Ga naar margenoot+ So sijn dorst meer wast daer bi:
45[regelnummer]
Also is die ghierighe, hoe dat vaert,
So hi meer heeft, so hi meer begaert.
Ende alse hijt algader heeft,
Ende hi die rijcste is die leeft,
So is hijs quite op een ure;
50[regelnummer]
Want die doot doet hare nature,
Ende neemt hem goet ende lijf;
So moet die vule keytijf
Sijn goet al laten hier,
Ende sijn ziele vaert int vier,
55[regelnummer]
Om dat hi mit zijnre ghierichede
Ga naar margenoot+ Gods vergat, ende daer toe mede
Den armen niet bi en stoet.
Dan nemen die maghe tgoet,
| |
[pagina 111]
| |
Daer hi sijn lijf om besuerde
60[regelnummer]
Ende sijn ziele om avontuerde,
Ende verterent in groot riveel;
Hi ontbeets zelve cume een goet morseel.
Si sullen cume in hare leven
Enen penninc voor zijn ziele gheven!
65[regelnummer]
Tonsalichste leven, waerlike,
Datmen leeft op aertrike,
Dat heeft een man die ghenoech beeft,
Ende sinen lichame niet en gheeft,
Dies hem bederf ende betame.
70[regelnummer]
Het waer recht datment hem name,
Ende lietene in sijn armoede leven,
Daer sijn nature in is ghecleven.
Het is scade dat hi hevet goet,
Die Gode, hemselven of een andren en doet,
75[regelnummer]
Dat hi doen zoude te rechte.
Si sijn des goeds knechte,
Ende tgoet is haer here:
Ic en weet gheen meerre onnere
In die werelt dan desen staet,
80[regelnummer]
Ga naar margenoot+ Want voor Gode ende voor die werelt ist quaet.
Vanden andren hooft zonden
So late ic te desen stonden
Hier al stille staen,
Ic salre lichte hier na toe vaen.
|
|