Der leken spieghel
(1844-1848)–Jan van Boendale–
AuteursrechtvrijLeerdicht van den jare 1330
Hoe Adaem tghebod brac, ende swijfs bedrieghenisse. - XXII.Doe Adaem ende Yeve quamen
In dat paradijs te samen,
Orloofde hem God dat hi mochte
Eten van alle vruchte,
5[regelnummer]
Die daer stonden ghemeene,
Sonder van eene boeme alleene,
Ga naar margenoot+ Die thout der wijsheyden hiet.
Te hant als hij henen schiet,
Was die viant dair ghereet,
10[regelnummer]
Die smenschen zalicheit beneet.
Ende om dat hij wiste openbare,
Dat dwijf broesscher ware
Ende onghestadigher dan die man,
Soe riet hij haer tetene dan
15[regelnummer]
Van dien boeme, sij soude bij desen
Den alre hoechsten ghelijc wesen,
Ende onsterffelic oec bliven.
Dwijf, als noch pleghen wive,
Waende waers ende gheloefde te hant,
20[regelnummer]
Ende plucte eenen appel metter hant,
Ende aets ende gaefs Adame,
Ende bat hem dat hijs name,
| |
[pagina 82]
| |
Hij soude Gode wesen ghelijc,
Ende oic wesen onstervelijc.
25[regelnummer]
Van minnen ende van groten lieve,
Die Adaem droech tote Yeven,
Soe en wilde hijt hair weernen niet,
Maer hij dede dat so hem riet,
Ende brac tghebot, zonder noot,
30[regelnummer]
Dat hem God selve verboot;
Daer God omme was so gram,
Daer Adam ende al dat van hem quam
In groter droefheden om bleef,
Tote dattet Christus zelve verdreef.
35[regelnummer]
Nu sich, wat jammerheden
Quam van Yeven broescheden.
God moester oic om senden
Sinen soen in ellenden,
Ende die bitter doot doen becoren,
40[regelnummer]
Ende algader sijn verloren,
So wat quam van haren
In vijf dusentich jaren,
Ga naar margenoot+ Tote dat Christus verrees vander doot,
Ende sine vriende halp uter noot.
45[regelnummer]
Alle die duvelen, te waren,
Die inder hellen waren,
En hadden Adame niet mogen
Alsoe hebben bedroghen,
Dat hij tghebot hadde gebroken,
50[regelnummer]
Dat God selve hadde ghesproken;
Maer een wijf die hij minde,
Die cume twe voir drie kinde, ]
| |
[pagina 83]
| |
Ga naar margenoot+Ga naar voetnoot(*) Die hoorde hi ende liet al
Tghebod dat hem God beval.
55[regelnummer]
Hier om ist, zorghic herde zere,
Dat een man buten kere
Ende boven mate een wijf mint;
Want hi eens deels is ontsint;
Daer om hi altoos haren wille,
60[regelnummer]
Haren raet, lude ende stille,
Boven allen orbaer set,
Ende sijns selfs orbaer daer met
Verghet, ende Gods daer toe mede,
Alse die goede Adaem dede,
65[regelnummer]
Ende om die minne van enen wive
So maecte hi so vele keytive.
Elc man sie ende mecke,
Dat hi niet en valle in haren strecke
Si hebben menighen wisen doen riesen,
70[regelnummer]
Ende ziele ende lijf doen verliesen.
Die goede vrouwen salmen minnen
Met ghetemperden zinnen,
Bescheidelijc ende in maten;
Ende die quade salmen haten
75[regelnummer]
Ende scuwen, waer men can,
Want daer en is gheen bate an;
So men meer met hem wandelt,
| |
[pagina 84]
| |
So men meer wort ghescandelt;
Ga naar margenoot+ Want die van naturen is quaet,
80[regelnummer]
Daer toe en helpt gheen raet,
Hi moet quaet sijn over al;
Want dat quaet is inden stal,
Moet over al quaet wesen:
Dit is een ghemeine lesen.
|
|