Der leken spieghel

Leerdicht van den jare 1330

[p. 74]

Hoe die ziele henen scheedt. - XX.

Alse dinghel wort geware des,

Dat die ziele, die hem bevolen es
Ende sinen wille hevet ghedaen,
Scheeden moet, haelt hij saen
Vanden ingelen een groot conroot,
Ende nemen die ziele met eeren groot,
Ende voerense ten hemelschen hove,
Met sanghe ende met groten love,
Ende bringhense te haren lone,
Ende setten haer op thooft een crone
⁺ Van groter glorien ende eeren,
Ende dancken der Godheit ons heren,
Ende zegghen: ‘dese hevet vromelike
Ghestreden in eerderike,
Ende jeghen de vianden haer verweert:
Sij es der glorien wel weert,
Die haer ewelijc dueren sal.’
Dus so verbliden al
Dinghele ende die ziele mede
Om der zielen salichede.

Dander maniere es dat:

Als een ziele sal rumen tvat,
Die in sonden heeft gheleeft,
Ende die voir die doot heeft
Ghewarich berouwen ontfaen,
Ende gheene penitencie ghedaen,
Die ziele neemt dingel te hant,
Ende levertse den duvel metter hant,
Ende beveelt dat hijse schiere

+ (I. Fol. XV. r. 1.)

[p. 75]

30

Voere inden vagheviere;

 

Want die duvele, als wij lesen,

 

Moeten onderdaen wesen

 

Den inghelen ende sijn ghereet,

 

Eest hem lief ofte leet.

35

Daer staet hem te sine

 

In die overtollike pine,

 

Tote dat haer sonden, weet wale,

 

Verteert sijn altemale,

 

Ende die ziele zij gesuvert,

40

Als een gout datmen purgeert,

 

Wallende in eenen fornayse.

 

Dan sijn dinghele ayse,

 

Ende nemen die ziele met feesten groot,

 

Ende voerense in Abrahams scoot:

45

Dat is in die blijscap van hemelrike,

 

Die haer duert eeuwelike.

 

⁺ Die derde maniere es dus gedaen:

 

Als die siele sal vuytgaen,

 

Die in sonden heeft gheleeft,

50

Ende haer niet bekeert en heeft,

 

Ende wille heeft, mochte sij leven,

 

Dat sij an die sonden soude cleven,

 

So comen tyen ende dare

 

Van duvelen eene groote scare,

55

Ende nemen donsalige keytive,

 

Ende treckense uten live,

 

Die zij met steken ende met slaghen

 

Fellic ter hellen soude jaghen,

 

Ende verwiten haer scandelike

60

Al dat sij op eerderike

+ (I. Fol. XV. r. 2.)

[p. 76]

 

Jeghen haren scepper deden:

 

Dat es een sanc der jammerheden.

 

Dus draghen sijse ter hellen,

 

Daer sij ewelijc moeten quellen,

65

Buten rade ende buten troeste,

 

Ende buten hope van verloeste,

 

Als ic u hier voren vertrac,

 

Daer ic vander hellen sprac.