Der leken spieghel
(1844-1848)–Jan van Boendale–
AuteursrechtvrijLeerdicht van den jare 1330
Vanden firmamente. - VIII.Dat firmament, dat si u cont,
Is al ommegaende ront,
Ga naar margenoot+ Binnen hol, als een eys dop;
Ende heeft in hem, zonder scop,
5[regelnummer]
Beloken als een crocht,
Aerde, water ende locht.
Van diere naturen is tfirmament,
Dat altoos omme rent.
Omtrent tfirmament sijn gheseten
10[regelnummer]
Die sterren ende die planeten,
Die nemmermeer stille en moghen staen.
Dat moghedi merken ende verstaen
Aen zonne, mane ende sterren,
Die nemmermeer en staen noch en merren,
| |
[pagina 33]
| |
15[regelnummer]
Sine lopen altoos omme ghereet,
Also alst tfirmament omme gheet.
Nochtan lopen si contrare,
Dat u te vele te zegghen ware.
Dat stercste dinc datmen vint,
20[regelnummer]
Dat is zeker tfirmamint,
Ende daer God met groter cracht
Meer wonders in heeft ghewracht.
Ga naar margenoot+ En dade sijn loop ende sijn bedrijf,
Al dat ontfaen hevet lijf
25[regelnummer]
En mochte roeren, cleine of groot,
Het zoude al zijn oft ware doot;
Maer zijn lopen ende sijn rueren
Doet leven die creaturen,
Ende cruut ende bome springhen,
30[regelnummer]
Ende maect ooc tijt allen dinghen.
Daer dat firmament keert,
Also als ons een meester leert,
Is dat gheruusch ende dat ghecrake
So groot, ware dat zake
35[regelnummer]
Dat een man also groot ware
Als al aertrike, ende ware hi dare,
Hi soude te hant bliven doot
Vanden gheruussche, het is so groot.
Ga naar margenoot+ Sine snelheit is zekerlike
40[regelnummer]
Ooc zonder ghelike;
Want het, als ghi. wel kent,
Aertrike al omme rent
| |
[pagina 34]
| |
Binnen eenre nacht ende enen daghe;
Ende waert dat ooc een ure stille laghe,
45[regelnummer]
Menschen ende alle creaturen
Souden ligghen zonder ruren.
|
|