Der leken spieghel

Leerdicht van den jare 1330

Wat die quade yngle sijn. - V.

Dynghele sijn gheeste al ghemene,

Die vleesch en hebben noch bene.
Si en vollen ghene stat,
Noch si en weghen dit noch dat.
Hem en is niet onghemicke,
Hemel noch aerde, noch muer zo dicke,
⁺ So waer so hem staet te sine,

+ (E. Fol. IV. r. 2.)

[p. 24]

 

Si en lident al zonder pine.

 

Ende waer si varen in aertrike,

10

Of in die helle dies ghelike,

 

Altoos zo volcht hem mede

 

Die hemelsche vruechdelichede.

 

Al sijn dyngle subtijl zere,

 

Si en weten min noch mere

15

⁺ Van Gods verholenthede,

 

Noch wat ghescien sal mede,

 

Dan hem God wil laten verstaen.

 

Ende dat scouwen si also zaen

 

In hem, alse hijt beghaert.

20

Ende alse hise dan erghentwaert

 

Senden wille, so weten si te hant,

 

Waer ende waer omme si sijn ghesant;

 

Ende varen daer te hant ghereet,

 

Ende doen haers sceppers beheet.

25

Al scrijftmen yngle, in gheliken,

 

Aen die want met vlederiken

 

Ende met live, als een man,

 

Sine hebbens twint nochtan.

 

Maer omme datmen ghenen gheest

30

Scriven en mach, so eest

 

Datmense also moet maken;

 

Men cant anders niet gheraken.

 

Dyngle die sijn in hemelrike,

 

Sien wat ghesciet in aerdrike.

+ (I Fol. VI. r. 1.)

[p. 25]

35

Ende alsi dan yemene zien,

 

Dient misvallen sal ofte misschien,

 

So comen si neder also zaen,

 

Alse een oghe toe soude slaen,

 

Ende staen dien mensche in staden dan,

40

Ist dats hem God an.

 

Ende alse onse here wilt ghedoghen,

 

Datsi hem yemene vertoghen,

 

So nemen si vander lucht ane

 

Een vorme ende een ghedane,

45

Daer si in maken dat ghetoghe.

 

Maer ghene menschelike oghe

 

⁺ En mach gheest sien, sijts ghewes,

 

Weder hi goet of quaet es.

 

Hoe zere dat een mensche ware

50

In vernoye ofte in vare,

 

⁺ Ja in rouwen also groot,

 

Dat hi wilde wesen doot,

 

Mochte hi enen ynghel scouwen,

 

Hi vergate alle sijns rouwen,

55

Ende hem zoude dincken claerlike,

 

Dat hi ware in hemelrike;

 

Ofte hi bleve doot lichte

 

Van sulker claerheit, van sulken zichte.

 

Want zeven zonnen aen den trone

60

En waren alle niet so scone,

 

Noch so clare een creature,

 

Alse dynghel is in sine nature.

+ (E. Fol. IV. v. 1.)

+ (I. Fol. VI. r. 2.)

Titel. quade ontbr. Te regt. Vs. 1. Die engele. 3. Sine vervullen ne g. 4. w. no dit no dat. 5. Hem nes niet. 7. waer dat hem.

Vs. 9. eerderike. 10. dier. 13. dingele. 17. Dat hem God wille. 19. als. 20. als - yewers wert. 25. ingele in ghelike. 26. Ane die weghe met vlederike. 27. Ende die met. 29. om. 30. en ontbr. 31. se ontbr. 32. caent. 33. Dinghele. 34. geschien in eerderike.

Vs. 35. Als sij danne yement s. 36. of. 38. o. soude toe slaen. 40. dat hem God jan. 44. Eene vorme ende eene. 46. gheen menschelijc. 50. off. 51. rouwe. 54. al. 57 Off. 58. claerheit ende lichte. 61. claer or. 62. Als.