Der leken spieghel

Leerdicht van den jare 1330

⁺Van neghen choere der ynglen ende van der ynglen valle. - IIII.

Inden middel hemel sijn

Neghen manieren van ynglen fijn:
Dat sijn yngle, Archangele, Throne,
Principate, Dominatione,
Potestate, Cherubyn,
Cherub ende Cheraphyn.
Dese dienen dach ende nacht
Haren scepper mit hare macht,
Elc van sinen ambachte,
Daerse God selve eerst toe achte,
Daer si nemmermeer uut en keren.
Daer bi bleven si inder eren,

+ (I. Fol. V. v. 1.)

[p. 22]

 

Die dander verloren dommelike

 

Ende derven moeten ewelike.

15

Wat hare ambochte sijn daer,

 

Ware leken lieden te swaer.

 

Maer also saen als onse here

 

Dyngle in die grote ere

 

Ghescapen hadde ende ghedaen,

20

So verhief hem also zaen

 

Lucifer, die voorbaerste,

 

Die de scoonste was ende die claerste,

 

So dathi dander alle versmaedde,

 

⁺ Alsoot sijnre hovaerden gaedde,

25

Ende waende te hogheren state cleven.

 

Dan hem God hadde ghegheven.

 

Dander yngle ooc, twaren,

 

Die Luciferre houdt waren,

 

Te desen overmoede, ghelijc dommen,

30

Waenden ooc zijn gheclommen

 

Boven hare ghelike dare.

 

Ende also zaen werts gheware

 

Haren scepper, ter selver stont,

 

Ende werp die meestre inden gront

35

Vander bernender hellen;

 

⁺ Mar vanden andren ghesellen

 

Bleven vele in die lucht.

 

Daer so hebben si haren vlucht,

 

Bernende in groter pine,

+ (E. Fol. IV. r. 1.)

+ (I Fol. V. v. 2.)

[p. 23]

40

Daer hem altoos in staet te zine.

 

Si waren, also las ic,

 

Also luttel als een oghenblic

 

In die glorie; want also zaen

 

Als si hadden wesen ontfaen,

45

Vielen si te hant in die hovaerde,

 

Ende also zaen mosten zi hare vaerde;

 

Want also zaen, alsmen leest,

 

So en hadt gheen recht gheweest,

 

Datsi yet daer waren bleven,

50

Die hem hadden verheven

 

Ieghen den ghenen diese sciep

 

Ende tot dier groter eren riep;

 

Dat anders niet en dede

 

Dan sine goedertierenhede,

55

Sonder hare verdiente, als ende als;

 

Si waren wel waert sulcs vals.

Titel. choren. Vs. 1. middele. 2. engelen. 3. inghele. 4. Principaten. 5. Potestaten. 6. et voor ende. 8. sceppere met al harer m. 10. Daerne God ierst t.a. 12. bliven.

Vs. 15, 16 aldus verknoeid: Want haer ambachten sijn dair Weerliken lieden te zwaer. 18. Dingele. 23. dandere al. 24. hoveerde. 25. hoghere. 27. inghele - te waren. 28. Lucifer. 29. Te ontbr. 32. saen alst wart gh. 33. Haer sceppere. 34. den meester. 36. van dien anderen. 37. Bleeffer. 38. haer v. 39. pinen.

Vs. 42. Alsoe lange als. 44. Als sij haer wesen hadden o. 46. Ende moesten also saen h.v. 47. zaen ontbr. Te regt. 49. daer ontbr. 51. die gheene. 52. Ende ter g.