Der leken spieghel
(1844-1848)–Jan van Boendale–
AuteursrechtvrijLeerdicht van den jare 1330
Ga naar margenoot+Van drien hemelen. - III.Drie hemele sijn teenre somme,
Ende deen gaet al omme ende omme
Aertrike, al ist wonder,
Boven, besiden ende onder.
5[regelnummer]
Deerste hemel, wildijt verstaen,
Die is alse lazuer ghedaen,
Ende van lichameliker naturen,
Ende loopt al omme tallen uren,
Ende tfirmament ooc mede,
10[regelnummer]
Alsoot van rechte is zijn zede.
Dander hemel altemale
Is ghelijc den cristale,
Daer dyngle ende die goede gheeste
Ghebruken haerre groter feeste,
15[regelnummer]
Die nemmermeer en mach vergaen.
Die derde hemel is ghedaen,
Ofte hi al guldijn ware.
Gods stoel so staet dare:
| |
[pagina 20]
| |
Dat is doverste moghentheit,
20[regelnummer]
Ga naar margenoot+ Die throon der drievoudicheit,
Daer die glorie so groot es,
Dat niement waert en is des,
Dathi daer of yet sprake,
Want si is te hoghe, die sake.
25[regelnummer]
Bevelen wijt Gode, diet al weet.
Ic wane daer niemens stoel en steet,
Dan die stoel des vader,
Des zoons ende des heilichs gheests algader.
Mar des zoons stoele staet bi
30[regelnummer]
Sijnre moeder stoel, ghelovets mi,
Want hi selve heet in zijnre leren,
Dat wi vader ende moeder sullen eren.
Ic hebbe ghelesen, sonder waen,
Dat dese hemele also verre staen
35[regelnummer]
Deen vanden andren, sijts ghewes,
Alst van hier ten firmamente es.
Dat een steen anden hemel ware,
Die woeghe hondert menschen zware,
Ende viel recht neder waert,
40[regelnummer]
Ga naar margenoot+ Nacht ende dach onghespaert,
Hondert jaer zoudet liden ooc wale,
Eer hi neder quame te dale.
Nochtan varent dingle eer
Dan men dade een oghe keer,
| |
[pagina 21]
| |
45[regelnummer]
Ende die goede zielen met,
Alsoot God heeft gheset.
Te sulker stat seit dat Latijn,
Datter hemele zeven zijn,
Omme der zeven planeten wille.
50[regelnummer]
Daer of zwighe ic al stille,
Hoe deen loopt oost, ende dander west,
Alsoot God heeft ghevest;
Nochtan schijnt in hare vaert,
Dat si alle lopen west waert.
|
|